Asmani kitab: Sulaimani misal 13
13
1Giani fute bafor shashon mane,
ṭaṭṭaḳarie damkire na hune.
2Nizor mukor foldi unnoti ae,
beimane zulumdi buk miṭae.
3Muk shabdan zar zan base tar,
ṭuṭe oy binash besh matrar.
4Alshiae boutta sae kunta-u na fae,
menoti manshe bout don-doulot zomae.
5Forezgare misa mat ginnae,
naformane gibot-shorom roṭae.
6Hok fote solile basae forezgarie,
gunagarre binash ḳore naformanie.
7Ḳeu nizore doni deḳae ashole nai kunuta,
ḳeu nizore gorib deḳae ase tar hoḳolta.
8Manshor don tar zanor bodla oy,
hokirre ḳeu dey na humki boy.
9Forezgaror nure jilmil ḳore,
naformanor batti nibi zae re.
10Shu-foramishe gian baṛae,
ohonkare ḳaijja lagae.
11Ratarati donir don zoldi binash oy,
aste aste doni bonle don baṛat roy.
12Derite asha furle mon bangizae to,
asha furle oy zindegi gasor moto.
13Ela ḳorle talimre shorbonash oy tar,
hukum mania solile faibo furuskar.
14Gianir talim zindegir zorna,
moronor fand taki raḳe basaia.
15Bala aḳole ijjot ane,
beiman zae binashor fote.
16Aḳoldare babia ḳam ḳore,
be-aḳoli zair ḳore ammoke.
17Hok-halal ḳobriae balai ane,
nimoḳ-haram ḳobria falae bifode.
18Shashon na hunle shorom-goribi ae,
damki manle to ijjot baṛizae.
19Monor asha furile dilor kushi,
ammok naraz saṛte ḳarafi.
20Gianir shongi giani bone,
ammokor shongi koshṭot foṛe.
21Gunagaror ḳore ḳore mosibote ḳedae,
forezgar bondae to rohom-borkot fae.
22Hok zone toia zae nati-futir mouroshi,
gunagaror don zoma oy forezgaror lagi.
23Goribor zomin foy-foshole bori zae,
bisaror obabe ita haoa oizae.
24Singla na raḳle ginna ḳora oy futre,
futre ze maya ḳore he shashon-o ḳore.
25Forezgare feṭ boria ḳae,
naformanor feṭ ufashe hukae.
Tans Gekies:
Asmani kitab: Sulaimani misal 13: sylL
Kleurmerk
Kopieer
Vergelyk
Deel
Wil jy jou kleurmerke oor al jou toestelle gestoor hê? Teken in of teken aan
© Ahle Kitab Society. All rights reserved.