Asmani kitab: Sulaimani misal 10
10
1Sulaimanor silleḳ:
Giani fute baf kush,
ammok fute maʼr duḳ.
2Haram dono aram nai,
forezgarie zan basae.
3Forezgarre Mabude ufash na raḳoin,
naformanor monor asha fura na ḳoroin.
4Alshi ate hokir bone,
menoti ate don ane.
5Aḳoldar fut shomoy moto foshol tule,
kulangar fut ou shomoy gumo taḳe.
6Rohom-borkot lame forezgaror matae,
zulum gufon oizae naformanor ḳotae.
7Forezgaror sinnote rohomot ae,
naformanor nam-u fosia zae.
8Gianir dil kushie hukum mane,
be-aḳolor ṭuṭe foton ane.
9Hok fote solle sole nirafode,
beḳa fote solle dora foṛibe.
10Souḳor isharae mosiboto falae,
foriskar damkie shanti milae.
11Forezgaror muko ase zindegir zorna,
naformanor muko lukail noforotir astana.
12Ḳaijja-fosad baṛe ginnae,
shob zator dush dur oy mayae.
13Buzdaror ṭuṭo gian mile,
bebuzor fiṭo golla foṛe.
14Giani zomae ilimor banḍar,
ammokor muk binashor duar.
15Donir don-u tar nirafod bankar,
gorib-duki obabe oy surmar.
16Forezgaror betone zindegi mile,
naformane to ḳet ḳore gunare.
17Shashon manle zae zindegir fote,
damki na manle zaegi be-fote.
18Ingsha lukae misa matrae,
ammoke forar gibot gae.
19Besh mate guna baṛae,
buddimane ṭuṭ shamlae.
20Forezgaror zifra nikut rufa,
naformanor dilor dam beḳama.
21Forezgaror ṭuṭ bol dey boutre,
be-aḳolor moron oy buddir obabe.
22Mabudor rohomote doni banae,
tan doyat kunu duk-koshṭo nae.
23Ammok kushi naformanie,
aḳoldar kush oy giane.
24Naformane zeta ḍorae tar ufre ota ae,
forezgare zeta sae he to nichchit ota fae.
25Tufanor ṭelae naforman zae uṛia,
forezgaror mul bit boail roy hamesha.
26Dato shirka souḳo duma ḳoshṭo dey zela,
oloshredi ze ḳobor dey tar-o oy ola.
27Mabudor ḍore ayu baṛe,
naformanor hayati kome.
28Forezgaror ashat ase kushi,
naformanor ashat foṛe sali.
29Hok manshor asroy Mabudor fote,
tan shaza fae ḳobis-bojjate.
30Forezgaror shikoṛ loṛe na,
naforman zomino ṭike na.
31Forezgaror mukedi gianor fol bar oy,
sol-soturir zifra ḳaṭia falail oy.
32Forezgaror ṭuṭe shoṭik mat mate,
naformanor zifra beimani kore.
Tans Gekies:
Asmani kitab: Sulaimani misal 10: sylL
Kleurmerk
Kopieer
Vergelyk
Deel
Wil jy jou kleurmerke oor al jou toestelle gestoor hê? Teken in of teken aan
© Ahle Kitab Society. All rights reserved.