रोमी 4
4
विश्वास चीत्देबे अब्राहाम धर्मी ठर्तीदे
1जेम्से, ङ्वजे अनुसार ङीनजे मेमे अब्राहामजे बारेने ङीनदे च य? ङूदे च प्रेत्दे? 2कादेये अब्राहामदे काम फर्देबे धर्मी मी ठर्दीकयलो ङूदे केन् त्वेब ने छीत्या प्रेख्यङ्दे, तर परमेश्वरजे खूम्नेब दी। 3#उत्पत्ति 15:6; गलाती 3:6चेनेयलो पवित्र धर्मशास्त्रदे च यीय? “अब्राहामदे परमेश्वरने विश्वास चीत्दे, मेस्ये परमेश्वरदे ङूने धर्मी ठर्दीमीदे।” 4जेम्से काम फरबदे मेला प्रेक्क्य हम्ब ङूदे दान प्रेब दी, तर हम्ब मेलाब ङूदे प्रेपर्देब हक ख्यङ्। 5सूदे काम अन्ची, तर दुष्टनेये धर्मी मी ठर्दीमेब परमेश्वर फ्याने विश्वास चीक्क्य यलो होरे चेब विश्वासदे मी धर्मी ठर्दीय। 6काम अन्चील्लीने परमेश्वरदे धर्मी ठर्दीमीदे होर मीनेये मूरूम् दाऊददे अम्ब वचनदे येर्बे असी प्रेब य ख्यङ्,
7 #
भजनसंग्रह 32:1,2 “थमयूदे असी प्रेब ख्यङ्, हम्बयूजे अपराधयू क्षमा पीन्क ख्यङ्, मेस्ये थमयूजे पाप उप्के ख्यङ्।
8मेस्ये सूजे पापजे हीसाब परमप्रभूदे अन्ची होर मी असी प्रेब ख्यङ्।”,
9च अम्ब असी खतना चेब मीयूजे लागि त्या औ? या खतना अन्चेब मीयूजे लागिये? अब्राहामदे परमेश्वरने विश्वास चीत्दे होरदे रङ्से विश्वासदेने परमेश्वरदे ङूने धर्मी मी ठर्दीमीदे यब ङीन यीय। 10होरेयलो केर्बे अम्ब ङूजे लागि धर्मी मी ठर्दीदे? ङूदे मोशाजे नियम अनुसार खतना चीक्कमेस्ये यी अन्चीप्पने? खतना अन्चीप्पने मी धर्मी ठर्दीक ख्य, खतना चीक्क ङ्येदे दी।
11 #
उत्पत्ति 17:10
खतना अन्चीप्पने ङूजे विश्वासदे धर्मीजे च्यूनू या छापप्र प्रेक्क ख्य। खतना अन्चील्लाबेने विश्वास चीत्देबे धर्मी ठर्दीकब मी क्वाजे लागि ङू प क्यूस्स्य यब सूर्दे अम्ब क्यूर ख्यङ्। 12ङू हम्ब खतना चीक्कब मीयूजेये प ख्यङ्, ङू खतना चेब त्या दी, तर सूदे हम्ब विश्वासजे के थाय, हम्ब विश्वास खतना चेयली खूम्ने ङीनजे प अब्राहामने ख्य।
13 #
उत्पत्ति 17:4-6; 22:17,18; गलाती 3:29 अब्राहामदे मोशाजे नियम मन्दीदेबे दी, तर परमेश्वरने विश्वास चीत्देबे धर्मी ठर्दीकबदे ङूने मेस्ये ङूजे छगूम्-पूर्गूम्ने संसारजे हक प्रेब कबुल चेख्यङ्। 14#गलाती 3:18कादेये मोशाजे नियम मन्देब मीयूत्या हक प्रेब क्यूक्क्य यलो विश्वास चीन्नब काम अन्लादे क्यूक्क्य मेस्ये परमेश्वरजे कबुल थेन्ने क्यूक्क्य। 15चेनेयलो मोशाजे नियमदे छी रेक्क्य, तर केने मोशाजे नियम त्वो होने अपराधये अन्क्यूर्।
16 #
गलाती 3:7
होरेक्यूत्देबे अम्ब कबुल विश्वास फ्याने भरपर्तीय, येरेक्यूत्दे कबुल अनुग्रह फ्याने भर् पर्दीदेबे अब्राहामजे छगूम्-पूर्गूम् क्वाजे लागि पक्क क्यूस्स्य। अम्ब कबुल मोशाजे नियम मन्देयूजे लागि त्या दीलाबे अब्राहामदेप्र विश्वास चेब मीयूजे लागिये ख्यङ्, चेनेयलो अब्राहाम ङीन क्वाजे प ख्यङ्। 17#उत्पत्ति 17:5धर्मशास्त्रने परमेश्वरदे अब्राहामने य ख्यङ्, “ङैदे नने कूम जातिजे प क्यूस्से पीन ख्यङ्।” केरे परमेश्वर फ्याने अब्राहामदे विश्वास चीत्दे, पर्मेश्वरजे खूम्ने ङू ङीन क्वाजेने प क्यूर ख्यङ्। परमेश्वरदे सीये मीयूनेये जीया पीन्क्य, मेस्ये दीनीसेमे त्वब सेयूनेये मीन् क्यूत्देबे तङ्ला चीम्मीय।
18 #
उत्पत्ति 15:5
“नैजे च-चीमीयूये येरप्रने सोरो कूम क्यूक्क्य” यदेबे परमेश्वरदे अब्राहामने यप्रने, ङूदे आशा चेब ने त्वोलीनेये अब्राहामदे परमेश्वरने आशा चीत्देबे विश्वास चेब क्यूत्देबे येर्बे अब्राहाम कूम जातियूजे प क्यूत्दे। 19#उत्पत्ति 17:17ङू सैत्या वर्ष पूग्दे मेख्य, तर सीब मेल्नब ङूजे रङ्से ङ्व मेस्ये ङूजे मज साराजे कोख थर ख्यब पो स्येलीने विश्वासने कमजोर अन्क्यूर्। 20परमेश्वरदे चेब कबुलजे पोने अब्राहामदे चैये शङ्का अन्ची, तर रङ्सेदे चेब विश्वासने सोरो बोल्यो क्यूत्देबे परमेश्वरजे महिमा चीत्दे। 21परमेश्वरदे चेब कबुल तम्दम्ने चीक्क्य यब पो ङूने पक्क था ख्य। 22येरेक्यूत्देबे ङूजे विश्वासदे “ङू परमेश्वरजे खूम्ने धर्मी ठर्दे।” 23परमेश्वरदे ङूने “धर्मी ठर्दीदे” यब पो अब्राहामजे लागि त्या लिख्दीयेब दी, 24तर ङीनजे लागिये लिख्दीये ख्यङ्। ङीन सूदे ङीन्जे प्रभू येशूने सीयेबदेये सोम्बो चीम्मेब परमेश्वर फ्याने विश्वास चीक्क्य, अम्ब ङीन्जे लागिये चील्क्य। 25#यशैया 53:4,5येशू ङीनजे पापजे लागि सेक्कदे, होर्दे ङीनने धर्मी ठर्देने फेरि सोम्बो चीम्मीदे।
Tans Gekies:
रोमी 4: सर् कबुल
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
Ghale New Testament © Nepal Bible Society, 2011.
