२ कोरिन्थी 9
9
1परमेश्वरजे पवित्र मीयूजे लागि पीनब भेटीजे पो ङैदे नमयूने लिख्दीन अम्पर्ती। 2चेनेयलो पीनजे लागि नमयू जोसीलो क्यून्नब पो ङैने था ख्यङ्। वर्षत्या खूम्मेस्ये अखैयाने ख्यबयूदे पीनने छ्योन्न ख्यङ् यदेबे ङैदे नमयूजे पो माकेडोनियाजे मीयू खूम्ने केन् त्वोत्देबे य ख्य, नमयूजे पीन्तीङ्रेनब जोस्दे थमयू नङ्ने कूम मीयूने पीनजे लागि जोसीलो चीम्मे ख्यङ्। 3तर अम्ब पोने नमयूजे लागि ङी सीत्तीने केन् त्वोन्न त्यामे अन्क्यूस्स्य, मेस्ये ङैदे य अनुसार नमयू पीनने छ्योन्न खूस्य यदेबे ङैदे च्योन्यू कूल्बीन ख्यङ्। 4कादेये माकेडोनियाजे कोइ मीयू ङैप्रे रब, पीनजे लागि नमयू तयार त्व तङ्देयलो ङी त्वा पर्तेत्या क्यूक्क्य, मेस्ये नमयूनेये त्वा पर्तेत्या क्यूक्क्य, चेनेयलो ङीदे नमयू फ्याने सोरो कूम भर्चे ख्य। 5येरेक्यूत्देबे नमयूदे चेब कबुल अनुसारजे भेटी ङ फ्योर यली खूम्ने फूङ् प्वेजे लागि नमयू ट्याने ङैदे च्योन्यू कूल्बेने ज्य थेको। होरदे अम्ब भेटी मीजे कर-कापदे पीन दी, तर सेम् नङ्देमेस्येने सूग्देबे पीनब भेटीप्र क्यूस्स्य।
सेम् यङ क्यूत्देबे लू थरब
6तर ङैदे यमेब पो अम्ब ख्यङ्, सूदे छीत्या लू थर्क्य हम्बदे छीत्या बली तोल्क्य, मेस्ये सूदे कूम लू थर्क्य हम्बदे कूम बली तोल्क्य। 7मीयू क्वादेने रङ्से सेम्दे कोला पीन्तीङ्रीय हन्छ्वाने पीन्स्य, सेम्दे पीन्तीङ् अन्रलो मीजे कर-कापने पीन दी, चेनेयलो सूग्देबे पीनबने परमेश्वरदे प्रेम चीक्क्य। 8परमेश्वरदे नमयूने थर्-थर्जे असीयू बेस्से कूम पीन खूइय, येरेक्यूत्देबे येतार्ने नमयूप्रे थर्-थर्जे सेयू बेस्से कूम क्यूस्स्य, मेस्ये सोरो ज्य थर्-थर्जे कामयूजे लागि नमयूदे बेस्से कूम पीन खूस्य। 9#भजनसंग्रह 112:9धर्मशास्त्रने येरे लिख्दीये ख्यङ्:
“ङूदे लू थर्क्य, मेस्ये दूख्प्रेबयूने सेम् यङ्लाबे पीन्क्य, ङूजे अम्ब पीनब काम येतार्ने क्यून्नीय।”
10 #
यशैया 55:10
लू थरब मीने लू मेस्ये चजे लागि चसे पीनब परमेश्वरदे नमयूने थरब लू पीन्क्य, मेस्ये हम्ब लूने थेप् थेप् चीम्मीय, होरदे नमयूने थेप् थेप् पीन ख्वब चीम्मीय। 11नमयूजे सेम् यङ्से क्यूत्देबे पीनजे लागि साप्ता थोकयू पीन्देबे परमेश्वरदे नमयूने फ्योबो चीम्मीय, हम्ब नमयूजे सेम् यङ क्यूत्देबे पीनब दान ङीदे पीम्ब परमेश्वरने थमयूदे धन्यवाद पीन्क्य।
12अम्ब दान पीनब कामदे परमेश्वरजे पवित्र मीयूजे हर्जो टर्तीय। हन्छ्वात्यामे दी, तर परमेश्वरने सोरो कूम धन्यवाद पीनब सेम्ये क्यूक्क्य। 13नमयूदे ख्रीष्टजे सूगब खबरने मन्दीदे मेस्ये सेम् यङ्से क्यूत्देबे यरूशलेमजे पवित्र मीयूने मेस्ये सूजो नेजे विश्वासीयूने दान पीन्देबे नमयूदे आज्ञा मन्दे ख्यङ् यब पोजे प्रमाण पीन्दे, अम्बदे परमेश्वरजे महिमा क्यूक्क्य। 14परमेश्वरजे सोरो कूम अनुग्रह नमयूदे प्रेत्दे, होरेक्यूत्देबे थमयूदे नमयूने सोरो कूम माया चे ख्यङ्, मेस्ये नमयूजे लागि प्रार्थना चे ख्यङ्। 15बयानने चे अङ्ख्वब परमेश्वरजे बरजे लागि परमेश्वरने धन्यवाद क्यूस्स्य।
Tans Gekies:
२ कोरिन्थी 9: सर् कबुल
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
Ghale New Testament © Nepal Bible Society, 2011.