1King 16
16
Iahova sakin ous romustei ven tisaen onen asuv houlu Ehab
1 King 16:30-33; 17:1-7
30En avong koa asuv houlu Ehab losil kat me-Isrel keil en usite koa not, kei mum tisa en meten Iahova mulin asuv houlu savsav keil koa amulomal mulamu en kei. 31Anatin keke musil sakien tatisa keil onen asuv houlu Sereboam telamu, ka kei mumon tounah koa tisa revi mok. Kei kur natnahin asuv houlu Etbal ten out Saedon mai vi ahin onen, isen Sesebel. Ka ahin enek sakin kei va netan min ahi Baal. 32Kei mumon ahor onen ahi Baal en out Sameria, ka va netan mini en out enek. 33Ka tamun, asuv houlu Ehab meng kat meatin keil onen avoumon nana tai onen ahi Astata koa vi ahin. Sakien tisa keil ekek onen sakin Iahova, Ahi onen me-Isrel keil, vuroh kati mok mulin asuv houlu sav keil koa amulamu eni.
Tans Gekies:
1King 16: pma
Kleurmerk
Kopieer
Vergelyk
Deel
Wil jy jou kleurmerke oor al jou toestelle gestoor hê? Teken in of teken aan
© Wycliffe Bible Translators, Inc. All rights reserved.