LEVITIKUS 10:1-3

Aäron se seuns Nadab en Abihu het gloeiende kole in hulle vuurpanne gesit en wierook daaroor gesprinkel. Op dié manier was hulle ongehoorsaam aan die HERE omdat hulle ’n ander soort vuur voor Hom gebrand het as wat die HERE beveel het. Vuur het van die HERE afgekom en hulle verbrand en hulle is daar voor die HERE dood. Moses sê toe vir Aäron: “Dit is wat die HERE bedoel het toe Hy gesê het: Wie tot My nader, moet besef Ek is heilig. Ek word geëer voor die hele volk.” Aäron het net stilgebly.