Yun 3
3
Mbəɗanafta la Ninive ta nzakwa taŋ kahwathwata
1Ka gwaɗgəlganatá Yawe ta Yunusa ka mahis, kaʼa mantsa: 2« Sliʼaf sliʼa, la ka dzaʼa ka da Ninive luwa dagala, ka mnanata ka ta həŋ ta gwaɗa dzaʼa mnaghata yu, » kaʼa. 3Ka sliʼaftá Yunusa, ka laghu da Ninive manda ya gwaɗgana Yawe. Tsaw tsa Ninive ya ná, luwa dagala ya katakata. Hkən fitik ta magata lu ta mbaɗa, kada tsughwaɗapta lu. 4Ka ɓhadaghatá Yunusa ka lam da luwa. Tep vagha ni ta mbaɗa ta mna gwaɗa, kaʼa mantsa: « Ta fwaɗ mbsak fitik ka zaɗanatá Ninive, » kaʼa.
5Ka zlghaftá mnduha ma Ninive ta tsa gwaɗa Lazglafta ya. Ka mnatá həŋ ta maga sumay, nda pghavatá buhu, zlrafta ta gwal dagala dagala ha ka laha ta gwal nda hta. 6Ka ɓhanaghatá tsa gwaɗa ya ta mghama Ninive. Ka sliʼaftá tsi ta dughurukwa ni, ka suɗiŋtá lguta mamgham mghama ni, ka suɗavatá buhu, ka nzamta ma hutiɗif.
7Ka mnatá mghama mgham ta zlahu ma Ninive:
« Ka i mgham nda mnduha ni ka mali ka mali mantsa:
Nda mnduha tani, nda skwi nda səla tani, nda slaha tani, nda rina fisik tani, haɗ ɗaŋtá skwa zay wu, haɗ zaŋta ta ta skwi wu, haɗ say taŋ ta imi guli wa. 8Ka pghavata mnduha ta buhu, ka pghanavata lu ta rini guli, ka waha həŋ ta wahu nda mbraku nda mbraku da Lazglafta. Ka zlaŋta inda taŋ ta ghwaɗaka nzaku ta nzaku həŋ, ka ksanata həŋ ta dzva taŋ ta maga ghwaɗaka skwi. 9Kawayaka skwi, ma tsaya dzaʼa mbəɗanafta Lazglafta ta ndana ni, ŋa zlaŋta ni ta gufatá ŋuɗufa ni ta ghəŋa amu. Mantsa ya ná, rwuta a mu wu, ka kuni dazlay, » kaʼa.
10Ka nghanatá Lazglafta ta ŋavata taŋ ŋa zlanavatá ghwaɗaka tva nzakwa taŋ. Ka mbəɗanaftá Lazglafta ta ndana ni, ka zlanatá maga tsa zaɗanatá həŋ si kura tsi ta magay ya.
Tans Gekies:
Yun 3: xed
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
© Wycliffe Bible Translators, Inc. All rights reserved.