Gewilde Bybelverse vanaf Jonɨ 3

Deel

Sare' dare'nesɨ. Kwaaka davakɨyainaavɨna Gotɨyarɨ kale naanga kwia' Gotɨyai nemɨnyɨna Gawaalɨvaanga gaverɨ nejaavakelyɨ. “Gazaizai sahwarɨ wɨlɨmwagarojɨ myɨwawanna! Aawa. Gaala yuyagaa'nebwi maarana!” daka nejaavakelyɨ.

Sare' dare'nanyɨ. Gotɨyai dɨna “Nyɨbwaalɨvaangei a'mweraavɨ kotɨya'na maryawɨbwaradela!” daka myasaabya'. Aawa. “Nyɨbwaalɨvaangerɨ a'mweraavɨna padaihasamaata yɨma!” daka kwaaka davakɨ yasaabɨna ya' Gotɨyai.

Jizaazai ja'nawɨdɨna “Naanga nebulya'na gɨthɨvanɨge. A'mwe pwai kwai ayahi mudɨkei mima'nyɨ yajai Gotɨyai maremwaaladeva tɨnna mwanganyɨ yannelyɨ.”

Gawaalɨvaangerɨna lɨmwagaza pwarɨ Gotɨyai kotɨya' maryawɨbwa'dei mɨ'. Malɨmwagyaza pwai kotɨya' mena yawɨbwa'nɨkelyɨ. Gotɨyare Gawaalɨvaanga gaverɨna gamɨre yayavɨnajɨ malɨmwagaryaja'na kotɨya' mena dɨnɨkesɨ.

Kotɨya'na dara dɨnɨ' “Nemɨre kwaaka davakɨ pwai nebulya' nejɨwaakake'na Baakei walaabɨna yaka kɨrɨ' a'mwera kayaa'nanya yadɨvɨsara kayaa'nanyabwi jɨhɨnyaburɨna wɨvu'nakere. Baakerɨna wɨvu'nakara mɨ'. Sare' dare'nesɨ. Kumɨ yadɨvɨsa kayaa'nanyangɨra,” sare'na dɨnɨkesɨ.

Gamɨ naangei nyavɨlavɨkelyɨ. Nɨmɨ naangeinyɨ myɨma'nɨwɨneinyɨ. Nɨmɨ maalɨkeinyɨ yɨma'nɨdeinyɨ,” wɨdɨna ya' Jonɨ.

Sare' dare'nesɨ. Gazaizai kayaa'nanya yadei Baakerɨna sɨmɨlɨka wimanɨkei Baakeryawɨnna mabi yɨvanɨ'. “Baakeryaba pwara nɨmɨre kayaa'nanyabwi nanyangabɨka!” daka mabyɨvanɨ'.

Gawaalɨvaangerɨ nayaa lɨmwaga'dei gaala yuyagaa' yuyagaa'nebwi kɨnɨnnakelyɨ. Kwai Gawaalɨvaangerɨ malɨmwagaryadei gaalyabwi tɨnna mwanganyɨ. Aawa. Gotɨyarɨ sɨnna tɨka wɨdayabwi sahwarɨ kuna wɨwarɨkelyɨ.

Kɨgaa' a'mwamaayaba Ne Mozɨzai kwaari'makamaalya' yɨsavakɨ pwɨyaka daakuna yaa'. Kamaalyarɨ makilyaakabaaibɨ' yɨsavakɨ tamakya'na A'mweraavɨne Kaimɨraayarɨ sara makibɨ'delyɨra.

Gawaalɨvaangerɨna Ganɨmaangerɨ tewaanya wɨvu'nada yɨlaaya yada dɨragɨnyajɨ yuyajɨ mwangɨna yada wɨdɨna “Yuya dɨmaremwaala!” wɨdakerɨna.