Gewilde Bybelverse vanaf Zehpani-a 1

Deel

Haû Yhûmsîng Garai nhikmó-yô é buìnyì má, yhángmòq é ngùn hîng gi, yhángmòq lé wó hkyi yù râ a nghut.” ga, haû Yhûmsîng Garai taî ri. Myìdàm htoq gón gi, Yhâng é nhikmó-yô é myi má, nyé jôm byùq râ nghut lhê; hkâsu mù gâ gi, Yhang gi, myìdàm htoq má nyi é lhúnglhâng bang lé, razùp má za lhoqhtûm pyám râ nghut lhê.

Haû Yhûmsîng Garaî é buìnyì mó gi, chyáng bê nghut ri; haû gi, chyáng luî, hân za jé râ nghut bê. Haû Yhûmsîng Garaî é buìnyì mâ é ngaùhkyûng ngaùyang htê htoq nyi ri; haú nyí má, Sarhê Mó lháng majan htê mó garu râ nghut lhê.

Haû Yhûmsîng Garaî é buìnyì gi, chyáng bê nghut é yánmai, Ahko Ahkáng lhúnglháng wó Sû Yhûmsîng Garaî é hí má zim za nyì keq. Haû Yhûmsîng Garai gi, shigu hkungga nhông poî hen to bê nghut mù, haú má lòm bang lé lhoq sân-yúng bê nghut ri.