Gewilde Bybelverse vanaf ṮAKWIIN 37

Deel

Dhala Yuusup̱ shu’bki jan mo dhali ki a’di ṯorki ikam gwo mo tani uni ki thisi ’cur ’pen ishi/ki a’di i e ki nyanye/ mo.

Dhala Israyiil a’di enki’da Yuusup̱ kagahara mmobol uc̱im pitin tiya e mo haali/ a’di ta ya/m piti jin tana a’di ka dhan piti mo. Dhali a’di shoki a’di burrinyen turga/ jin tur ma bi ki tur mo.

Hili ki ikam p̱arki mo e ka babam buni enki a’di kagahara mo mmobol ikam piti e mo tani uni shi/ki a’di i e mo dhali ’te bwa mmoṯora ṯor nyaḵki a’di ki moŋḵu’th is mo be.

Dhali yan’ko’d a’di shu’bki jana kamu/ mo dhali ṯorki a’di ikam mo dhali o gwo mo ki: Hili mo mo ma aha/ shu’bkina jana kamu/ mo dhali hili mo mo ma, atente/ dhali appe mo dhali acul kun ’koni ’kume’d i’ce’dka ’de/ ap̱o/ mo tani uni ’kokin mo mmogoŋ is ka ’cesh mo mmoluŋ aha/ mo be.

Dhali ikam piti uni ṯaca bwa gom a’di mo hili ababam piti a’di idhuki gwo gwansan ibwa mo.

A’di oki uni gwo mo ki: Ciḵi gwony jan jin shu’bka/ mo ma. Hili mo mo ma, ana ’kokina mmodeḵ deḵken pos e bwam bunto mo dhali hili mo mo ma, deḵken pos pem a’di icuki mis mo dhali dosh ka ji sho’k mo dhali hili mo mo ma, deḵken pos bum uni tulki isi monṯal ’de/ ijim pem mo dhali goŋ is ka ’cesh mmoluŋ deḵken pos pem mo.

Iiyu/ mo shwane/ dhalki ana ’kosha a’di jwa mo dhali biṯ a’di mo e jis ’deŋ kamu/ mo dhali yan’ko’d ana mina o gwo mo ki: A’di ’kosha toŋgwap̱i/ jin shwan ma nyor jwa mo dhali ana mina p̱ar mo e mo ’pemen jan piti yan midi wakata mo?

Dhali ’Kwani Midyaan kun ta imanyol to mo si’da/ iikin ki iimpe mo dhali dirkina Yuusup̱ ka pije/ mo dhali ’de’k a’di ka pije/ ’peni jis yi’de/ mo dhali yolki a’di mo e ’Kwani Isma/iil mo ka guurush jin ’koni iss ’de/ mo a’di jin ta ’dolkon kush mo dhali uni suskina Yuusup̱ bway Pa Masir mo be.

Uni oki gwo ka rem’kup̱ mo ki: Amanshu’b jana ac̱aan a’di ip̱u’dki’d mo.

Uni mishki a’di ’pena dhana/ ki si’d si’d mo dhali nṯwa/a/ ki a’di p̱u’dki’d mo mmo’dish uni is mo tani uni gamki ’twa/ ’kup̱ mo mmo’kosh a’di jwa mo.

Dhali Ra/ubiin oki uni gwo mo ki: Dhalki a’diya bas ki p̱o mo. Biṯi a’di e jis yi’de/ gwan kun ’kon e mombwaasho mo hili dhalki me’d bum ki dhu ap̱o/ a’di mo, ki a’di midi ’taki ye a’di mo ’peni me’d buni mo mmowar a’di is mo goma babam piti mo be.