Gewilde Bybelverse vanaf I San Juan 2

Deel

Ña cuñi ndo tsa caquiñi tsa iyó nu ñuhu ñayɨvɨ ihya. Tyin nyɨvɨ cuñí tandɨhɨ yacan, ña cuñí ñi tsi Nyoo Jutu yo. Tyin tandɨhɨ tsa ña vaha tsa iyó nu ñuhu ñayɨvɨ ihya, tsa cuñí cuñu ñuhu yo, tsa nyehé yo tan cuñi yo coo tsi yo, tan tsa cuñi yo nduyaa yo tsihin tsa iyó tsi yo, tandɨhɨ yacan tsahá ñuhu ñayɨvɨ ihya tsi yo, tan ñavin Nyoo Jutu yo tsahá can.

Ñuhu ñayɨvɨ ihya cua cundɨhɨ can, tan cua cundɨhɨ ndɨhɨ tucu tandɨhɨ tsa caquiñi tsa cuñí nyɨvɨ javaha ñi. Maa tyin nyɨvɨ tsa javahá cuhva cuñí Nyoo, cua coo cuii ñi tsihin ra.

Nyɨvɨ catyí tyin iin caa ñi iyó ñi tsihin Nyoo, taahán tsi coo ñi tumaa tsicoo̱ maa ra Jesucristo quɨvɨ quitsi̱ ra nu ñuhu ñayɨvɨ ihya.

Sehe nyihi yu, caahán yu tandɨhɨ tuhun ihya tsihin ndo, tyin tacan tan ña javahá ca ndo tsa ña vaha. Maa tyin tatun iin ndo tan javaha ndo tsa ña vaha, ña nayuhvi ndo tsa ña cuvi ca nduvaha ndo nuu Nyoo, tyin iyó iin ra caahán ndaahvi tsaha yo nuu Nyoo. Tan ra ican cuví ra Jesucristo, ra cuɨtɨ iyó.

Maa tyin tatun iin ra tsa catyí tyehen: “Yuhu tsitó yu tsi Nyoo”, tan ña tyaá yahvi ra tsa caahán Nyoo, cuví ra iin ra vatya. Tan nduve tsa nditsa iyó añima ra.

Tatun tyaá yahvi yo tsa caahán Nyoo, nacotó yo tsi ra.

Nyooho tsa catyí tyin iyó ndo nu nditsin, tan ndasɨ cuñí ndo nyehe ndo tsi nyɨvɨ yɨhɨ́ tuhun Nyoo tsihin ndo, ndi iyó ndo nu naa.

¿Yóo cuví nyɨvɨ vatya? Nyɨvɨ vatya cuví ñi catyí tyin ra Jesús ñavin ra Cristo cuví ra. Tan juvin ñi ican cuví ñi ndasɨ cuñi nyehé tsi ra Cristo. Tyin ña tsinú iñi ñi tsi Jutu yo Nyoo, tan tsi ra Jesucristo Sehe ra.

Tan tandɨhɨ nyɨvɨ tsa ña tsinú iñi tsi Sehe Nyoo, nduve Nyoo Jutu yo iyó tsihin ñi. Maa tyin nyɨvɨ tsa caahán tsihin tsa nɨɨ iñi añima ñi tsihin nyɨvɨ tyin ra Jesucristo cuví Sehe Nyoo, iyó Nyoo Jutu yo tsihin ñi.