Gewilde Bybelverse vanaf I Corintios 6

Deel

¿A ña tsitó ndo tyin cuñu ñuhu yo cuví vehe ñuhu Tatyi Ii tsa tsaha̱ Nyoo, tyin coo tsihin yo? Ñavin maa yo ndacá ñaha tsi yo; Nyoo cuví ra ndacá ñaha tsi yo. Tyin Nyoo yahvi xaan jata̱ ra tsi yo. Yacan cuenda taahán tsi jacahnú yo tsi ra tsihin cuñu ñuhu yo, tan tacan tucu ñi tsihin tsa tsiñi tuñi iñi yo tyin nduvi taahan tuhun ihya tsii maa Nyoo cuví.

¿A ña tsitó ndo tyin nyɨvɨ quiñi iyó ña cua quɨhvɨ ñi nu ndacá ñaha Nyoo? Ña ja̱ndavi ñaha ndo tsi ndo. Ña cua quɨhvɨ ra tsa tsicá nuu tsihin ñaha o ñaha tsa tsicá nuu tsihin rayɨɨ, ndi ñi jacahnú tsitoho, ndi ra iyó ñasɨɨhɨ tan iyó inga ñaha tsi ra, tacan tucu ñiñaha tsa iyó yɨɨ tan iyó inga rayɨɨ tsi ñi, ndi ra ndusɨɨhɨ́, ndi ñi nduyɨɨ́, ndi ñi suhú, ndi ñi nyiyó iñi, ndi ñi caahán cuendu, ndi ñi tuhva tsihí nyixi, tan ndi ñi tsit; o jandaví ñaha. Tandɨhɨ maa nyɨvɨ ihya ña cua ñihi ñi nu ndacá ñaha Nyoo cuhun ñi.

Ja̱ndɨhɨ ndo tsa iyó ndo tsihin ñaha a tsihin rayɨɨ tun ñavin ñasɨɨhɨ ndo a ñavin yɨɨ ndo cuví. Tyin tandɨhɨ inga nu cuatyi tsa javahá nyɨvɨ ña jatɨvɨ́ can cuñu ñuhu ñi. Maa tyin tsa tsicá nuu ñi tsihin ñaha a tsihin rayɨɨ, jatɨvɨ́ can cuñu ñuhu ñi.

Catyí tsi tyin nuña maa javaha yo tandɨhɨ náa cuñí maa yo. Tan nditsa tucu maa, maa tyin ña tandɨhɨ tan vaha. Cuví javaha yo náa cuñí maa yo, maa tyin cuñí tsi jaha yo cuenda tun vaha a ña vaha, tan ña cuhva yo tsa cundaca ñaha can tsi yo.

Tan Nyoo cua janandoto ra tsi yo tsihin tunyee iñi ra tumaa tsa janandoto̱ ra tsi ra Cristo Jesús.