Gewilde Bybelverse vanaf 1 YOHANE 2

Deel

Mi nga rhandzeni misava, hambi swi ri leswi nga emisaveni; kungakuloko munhu a rhandza misava, rirhandzu ra Tatana a ri kona eka yena. Hikuva hinkwaswo swa la emisaveni, ku navela ka nyama, ni ku navela ka mahlo ni ku tidzunisa ka vutomi, a swi humi eka Tatana, kambe swi huma emisaveni.

Kambe misava ya hundza, ni ku navela ka yona; kambe la endlaka ku rhandza ka Xikwembu, u tshama hilaha ku nga heriki.

La vulaka leswaku u tshame eka yena, u fanele ku famba hi mukhuva lowu na yena a fambeke ha wona.

Vana vanga, ndzi mi tsalele timhaka leti, leswaku mi nga tshuki mi dyoha; kambe kungakuloko munhu a dyohile, hi ni Muyimeri eka Tatana, a nga Yesu Kriste la lulameke.

La nge: “Ndza n'wi tiva,” kasi a nga hlayisi milawu ya yena wa hemba, kutani ntiyiso a wu kona eka yena.

Kutani laha hi tivaka leswaku ha n'wi tiva, hi loko hi hlayisa milawu ya yena.

La vulaka leswaku u le ku vonakaleni, kasi a ri karhi a venga makwavo, wa ha ri emunyameni, ni sweswi.

Wa mavunwa i mani, loko a nga ri la landzulaka leswaku Yesu i Kriste. La nga Antikriste hi loyi a landzulaka Tatana ni N'wana.

Un'wana ni un'wana la landzulaka N'wana, a nga na Tatana, kambe la pfumelaka eka N'wana, u na yena Tatana.