Gewilde Bybelverse vanaf 2 kubaseKorinthe 12

Deel

Kodvwa iNkhosi yatsi kimi: “Umusa wami ukwanele wena, ngobe emandla ami abonakaliswa aphelele ebutsakatsakeni.” Ngako-ke ngitawutigabatisa kakhulu ngebutsakatsaka bami, kuze phela emandla aKhristu atewuhlala kimi.

Ngenca yaKhristu-ke, ngiyeneliswa butsakatsaka, netinhlamba, nebulukhuni, nekutingelelwa kuhlushwa kanye netingoti; ngobe nangibutsakatsaka, kulapho ngiba nemandla khona.

Kube bengifuna kutigabatisa, bengingeke ngibente bulima, ngobe ngitabe ngikhuluma liciniso. Kodvwa ngiyativimba kuloko, kuze phela kubete longibeka ngetulu kwaloko langibona nome langiva nginguko. Bengingahle ngikhukhunyetwe kakhulu ngenca yetembulo letinyenti, ngako-ke kwabekwa linyeva enyameni yami, ingilosi yaSathane yangihlaba, khona ngingetitikhukhumeta kakhulu.