Gewilde Bybelverse vanaf Gn 28

Deel

Ayinc'al oc etok, cax ok ach in taynejc'al bayc'al ok ach tok, cax ok ach wion meltzojtek bay jun tx'otx' ti' junelxa. Manc'al ok ach in bekcanok, palta ok wunc'al bay max wak' in ti' ayach, ẍi Cham.

Cax max yilon c'apaxok tol a Jehová lecan oc bay chi ajapnok jun be tu', cax chi yalon axca ti': Ayin ton Jehová is Diosal echmam Abraham, c'al a mam Isaac. Ok wak' ayach c'al bay masanil enatil, jun tx'otx' bay telan ach ay ti'.

Axa yet max el wayan Jacob max naon axca ti': Wal yel ayic' Jehová bay jun lugar ti', caw wal man wojtakok, ẍi.

A bay tu' max yak' Jacob is ti': Ta wal a Dios ok in is taynej cax ok occ'al wetok yin jun in viaje bay chin toj ti', ta ok yak'c'al in lobej c'al in pichil, ta caw wal watx' in c'ul, cax ok in meltzojtek bay yatut in mam, ta axca tu', a ton Jehová ti' in Diosal. A bay max in wabaj can aj ch'en ch'en ti', axca yatut Dios chi yuncanok, cax ok wak'on in diezmo yin masanil tzet ok yak' ayin, ẍi Jacob.

A enatil tu' xiwil ok yun bisil axca pokokal tx'otx', cax ok tojc'al leeok eb bay yetc'ulal bay chi ajol c'u, bay yetc'ulal chi tojcan c'u bay norte, c'al bay sur; masanil nacionlak yulyibank'inal ti' ok cha eb watx'ilal oj ach ti', c'al yuj eb enatil.

A bay jun lugar tu', a tu' ay jun conob yettax payxa chi yik Luz, axa Jacob max q'uexon is bi max yak'on yik Betel.*fn*