Gewilde Bybelverse vanaf Dɩtʋm 2

Deel

Sɛ Petero lɩsɛ ba nʋɔ sɛ, <<N biliŋi lɩɩ amɩɛ dɩsʋbʋ naŋ na baa sɔ amɩɛ tɩba wʋkʋma Yesu Kirisito yɩrɛ naŋ na wʋ a mʋ amɩɛ dɩsʋbʋ chɩɛ amɩɛ na ɩ yu gafaasa gaa ga yɩɛ Ɩsʋɔ Feliŋ ŋii.

Sɛ ba mʋ ba wʋsɛ fa kpirida baa kalaa ŋii, bʋga yɩɛ garɛ, ba jaɩ bodobodo kpara sɛ ba jɔ dɩga.

Sɛ Ɩsʋɔ Feliŋ ŋii su ba kpiniŋ sɛ ba fara baa tawɩ atawɩ ngoriŋ-ngoriŋ ganaŋkʋ Ɩsʋɔ Feliŋ ŋii fa ba sɛ ba n tawɩ na.

Gabʋanaŋ sɛ galaŋba takɩɛ feliŋ adoŋtina jɔ lɩɩ Ɩsʋɔ adugbe jʋʋ waa gaa ba chaɩ ga tɩba na kpiniŋ naŋ. Sɛ ba na bʋrʋ garɛ takɩɛ bʋala nʋɔ-bisi kpara tɩba kɔŋ gaa cha ba wʋkʋma dʋɔ. Sɛ Ɩsʋɔ Feliŋ ŋii su ba kpiniŋ sɛ ba fara baa tawɩ atawɩ ngoriŋ-ngoriŋ ganaŋkʋ Ɩsʋɔ Feliŋ ŋii fa ba sɛ ba n tawɩ na.

Wɩɩ kʋma baa ju dʋɔ baa sɩla baa bʋga Ɩsʋɔ tʋm danɛ gaa naŋ. Baa jaɩ bodobodo ba wʋkʋma waasɛ dʋɔ sɛ baa mʋ asadi na digela fʋlʋŋsɛ baa di adiya, baa kalɩɛ Ɩsʋɔ, sɛ baa yu bakpa baa kpiniŋ asanaŋ Ɩsʋɔ wɩɩ. Sɛ Kpaŋjuo wʋŋ mʋ baa wʋ mɔlɔgɩ ba na kpi lɩɛdɩra baa dʋɔ gɩyɩɛ kʋma.

<<Ɩsʋɔ tawɩ sɛ gɩyɩɛnɩŋ dɩtamtɩŋ na, maa chɩɛgɩ ma Feliŋ wʋrʋgɩ bakpa kpiniŋ dʋɔ. Amɩɛ bie bala jaŋ na ala jaŋ aja gbala, amɩɛ yalaŋbie aja yu Ɩsʋɔ lɩsɛ kalaa, amɩɛ bɩnɩɛ aja dosi.

Lɩɛdɩra baa kpiniŋ cha bʋga dikulie, sɛ ba bʋrʋkʋma cha ga yɩɛ ba kpiniŋ ba teri. Sɛ baa yaa ba akpaŋta na ba abʋrɩ ba chamɩna aterembie ŋii baa fa wʋkʋma ganaŋkʋ dɩ cha tiri ɩ na.

Na wʋkʋma wʋŋ wʋ yagɛ Kpaŋjuo yɩrɛ na, aja yu mɔlɔgɩ.>>

Wiita aja bɩrɩŋsɛ giteŋteŋbiri, na gafita a bɩrɩŋsɛ asima pɔɩ na Kpaŋjuo jilima wɩɩ janɛ gaa a kɔŋ.