Gewilde Bybelverse vanaf Matyu 27

Deel

Ade kwia 3 klok yogo, Jisas ka podo di, yegl dugwa, Eli, Eli, lama sabaktani dugwa. Ye ka dugwa i mabuno yegl paugwa, Na Godna, na Godna, ene siragl pre na mokon natne? dugwa.

Ana Jisas goglko, lap podo ta tawa teigwa yugu yugugl kra keglkwa i, mitna ibo yei, suna wom si argla di, ede ime u, i koglo koglo edugwa. Yegl eruko, imem udre, kobuglo kade kade si buko dugwa. Yegl eruko, te yoba geglkwa kobuglo mur yeimara i, kobuglo mur tau yauruko, God yobama tau mere okna geglkwa i, ogono nagino mina adiglkwa.

Ana Jisas yegl pai moglsre, aglke kor ka podo ta didre, goglkwa.

Te, soldia bitno yagl ta soldia tau bogl Jisas sugl kan meglkwa i, ye imem ta ugwa i prisre, taragl kane kane plau dugwa i kandre, kudugl podo gogl, yegl digwa, Yagl i, ye kaima God Wam moglmiwe digwa.

Ana ermine, belo mere yegl, dumo magigl i mim mudu ake wai di pai mogl ogo, ade kwia 3 klok yogwa.

Digo, Pailat ye di pre yegl dugwa, Ana yagl Jisas, ye God Kere Yugwa yagl moglme digwa i, na siragl ere tenagle? dugwa. Yegl dugo, yoba mudu i, Ye ede prak mina si goglo! digwa. Yoba i yegl digo, Pailat aglke kor yegl dugwa, Ye mabuno kide siragl mere erukwa pre na ye si goragle? dugwa. Dugwa ba yoba ka podo di pai moglsre, Ye ede prak mina si goglo! digwa.