Gewilde Bybelverse vanaf Matyu 21

Deel

Te, ene pre medigl moglsre, kamage eribi, siragl ta ene di praiglmere God ene kaima ere tenabiwe di, Jisas yegl dugwa.

Yegl digo, Jisas di ikne ede, yegl dugwa, Ene ka kaima di teiga. Ene pre medigl mogl, kinano suo yekran, na ede fik ere teimere mere yegl eraiglkwa. Ersre, ene taragl podo ama ere, muglo meglbi magigl paugwa i, di tedre, Ene dumo ta panara i kide kodo, ede mudi nigl suna po dibi, ka kaima plau dinabuka.

Yeigo, Jisas tebe ede pi moglkwa igne, yoba tau ede okna eigo, tau okuo wigo, Jisas yene suna ogwa. Eimara i, yoba mudu aglage kaglkane ere, yegl digwa, Devit Gawamo ugwa i, debie si tomniwa! Yagl ta Yagl Kade dedugo, ugwa i, God ye ere wakai ere tenabiwa. Nono God heven ibo moglkwa i, debie si tomniwe di, yegl digwa.

yoba mudu yegl di togwa, God kamo mina bage ta beglkwa i, yegl dugwa, Na yuguna i, yoba kamage eraiglkwa dumo ta yenabiwe dugwa. Ba ene dumo i, ere i kunogl gogl yoba teke paigwa dumo mere yegl edimiwe dugwa.

Yoba ta dumo Saion meglkwa i, ka yegl di teo, Ene kingno moglkwa i, uma, kanio! Ye mogl atne edidre, donki moko bolamugl au sidre, ede umiwa. Te, donki kulu ta moglkwa au sidre, ede umiwe di, yegl boglkwa.

Ana yoba i, yegl digo, Jisas di ikne ede, yegl dugwa, Ene kaima digwa ba God kamo bage ta beglkwa i, ene ta kerekrikwa paugwa. Ka i, yegl dugwa, Kobuglo yugu keigwa yoba i, ye kobuglo gade imara i kobuglo swara ta kide yomedi kandre, kide kodigwa. Ba God yugu ta kenagledi kobuglo swara ta kide kodigwa i, idre, Yugu kei ede mitna enabara i, Mabunomugl mabuno bogl paduglmiwa. Yagl Kade yene yegl eruko, No kandre, nagino podo kuniwe di, yegl dugwa.

Ene kobuglo swara i kide kodigwa pre na ene di teiga, God yoba kingno mogl, suglno morabuka i, ene suna ta moglkraiglkwa ba yoba yugobuno pere meda ta mogo wakai koraiglkwa i, ye ede suna enaiglkwa.