Gewilde Bybelverse vanaf Matyu 1

Deel

Ye gak ta kurabuka i, yagl gak ta kurabuka. Ye kuran, ene ye kagie Jisas we dinatniwa. I siragl pre ye yobama tadaglmeno kubun ere tedre, ye ere inabiwe di, yegl dugwa.

Ye kamo yegl paugwa, Ene prio! Abai ta ege swara ta kumugl yagl bogl paikraiglkwa i, dane panan, yagl gak ta kurabuka. Ye kuran, yoba yagl gak i kagie Emanuel we dinaiglmiwe di, yegl dugwa. Ana kagie Emanuel i, mabuno ta paugwa, God nono munara moglkwa.

Ye yegl eragledi kina gudu pre moglsre, ugl pai, ugl kubu ta kanugwa. Ye ugl kubu kanumara Yagl Kade angelomo ye moglmara udre, ye yegl di togwa, Josep yo, ene Devit gawamo ta motnga i, Maria ene ebin morabuka i, kudugl goglkro! Gak erme ye dane wagle moglkwa i, Mudu Murubuglo ye dane panabedi eruko, dane paugwa.

Ana ka magigl paugwa i, Jisas Krais mam siragl mere ye kuglkwa i pre paugwa. Jisas mam Maria ya Josep bogl inabredi di padigl kodigwa. Di padigl kodigwa ba ye i swara edekrikwa igne, Mudu Murubuglo Maria yene dane panabedi eruko, dane paugo, yoba kanigwa. Josep ebie Maria dane pamedi kandre, ye mabuno wakai boglsre, yagl du moglkwa pre ye sedinagledi prukwa. Yegl prukwa ba ta prukwa i, Na yoba gumuglno wagle sedinaglka i, Maria agai gogl, kagie kide i dinabedi ugl mage ere, sedinagledi, yegl di prukwa.