Gewilde Bybelverse vanaf Jon 19

Deel

Ana Jisas wain nuglo ku erukwa i nedre, yegl dugwa, I pra dudumiwe dugwa. Yegl didre, bre magi didre, goglkwa.

Ana okuo Jisas prukwa i, Erme kogona mudu dudumedi prisre, God kamo bage ta beglkwa i pai inabedi yegl dugwa, Na nigl goluwe dugwa.

Ana Jisas ye mam magigl moglkwa i kandre, ye duglo boglkwa yagl ta wakai kanugwa i ama magigl adigl moglkwa i kandre, ye mam yegl di togwa, Abu yo, kano, yagl i ene wan moglmiwe dugwa. Yegl didre, ye duglo boglkwa yagl i yegl di togwa, Kano, abu i, ene man moglmiwe dugwa. Yegl dugo, mokomugl i, ye duglo boglkwa yagl i, Jisas mam yu ye yugumo mina edidre, suglmo moglkwa.

Yegl erikwa ba ye Jisas pamara u kanigwa i, ye gogl kodumedi kandre, yobuglo swara ta si buko dikrikwa. Si buko dikrikwa ba soldia swara ta kuglage idre, Jisas dagigle mina sugwa. Sugo, nigl ya bormai akie tabre ede meda ugwa.

Ana taragl yegl mere plau dugwa i, God kamo bage ta beglkwa i, pai inabedi pre plau dugwa. Ka beglkwa i, yegl beglkwa, Ye yobuglomo swara ta si buko dikraiglmiwe di, yegl beglkwa. Te, God kamo bage ta mina yegl beglkwa, Yoba ta ye kuglage mina sigwa yobamo i, ye kanaiglmiwe dugwa.

Ana yoba tau Jisas auro i ede meda eigo, Jisas yene ede prakmo kake idre, ede pi dumo ta Bre Yobuglo dumo we dimara ogwa. Dumo i, ka Hibru mina Golgota we digwa.

Soldia wagle Jisas duglnai sidre, ama kewan kagigle ake kegmane ere, king bitno gagl erimere yegl ye bre mina padigl tedre, gagl suna gogl ta ede teigwa.