Gewilde Bybelverse vanaf Jon 14

Deel

Na ene deno muduno wida dinabedi ersre, ene kodinaglka. Te, na ene deno muduno wida dinabedi tenaglka i, makandigle yoba swara ta tekrimere ene deno muduno wida dinabedi tenaglka. Yegl pre ene deno muduno mina pre yubun dedre, kudugl goglkrio dugwa.

Yegl dugo, Jisas ye di te, yegl dugwa, Na konbauna moglsre, te ka kaima i, na mabuno moglsre, yoba kor moraiglkwa i, na mabuno moglsre, erika. Yoba ta ede pi na Nina moglmara enabuka i, konbauna pere ta mina ta pikrabuka. Na swara mina enabuka.

Ana Jisas ka ta ama yegl dugwa, Ene deno muduno yubun dekrano. Ene God pre mediglsre, na ama pre medilo.

Ba ka mudu pre ikne edenaiglkwa pre na Nina ene Ake Ple Dinabuka yagle, Mudu Murubuglo ikra, na kagna mina dedenabuka. Mudu Murubuglo dedenan, ye ka pra pra di pogl si tedre, ka mudu di teiga i, pre ikne edinaiglmedi erabiwe dugwa.

Na ka tau duglo bolo diga i, yoba ta prisre, duglo borabuka i, yoba i dem muduo narukwa. Te, yoba ta dem muduo narukwa i, na Nina yoba i dem muduo tenabuka. Tenan, na ama siragl mere moglka i, yoba i obuno di tenaluwe dugwa.

Te, na Nina di pribo, ye Ake Ple Dugwa yoba ta aimadi kamin meglmara suna morabedi tenabuka. Na Ake Ple Dugwa yoba we diga i, ka kaima mabuno i nogugl edugwa Murubuglo ikra ene tenabuka pre diga. God Muruboglomo erme ene bogl akie moglsre, te, okuo ene meglmara suna morabuka pre ene ye pre kan erikwa. Ba makandigle yoba ye kankre, pre pogl sikre, erikwa pre ye God Murubuglomo ta ikraiglme dugwa.

Pre medigl mogl, God Wam moglka i, siragl kane kane na kagna mina kamage ere, di pribi, na Nina kagie kade inabedi ere wakai ere tenaglka. Ene siragl kane kane na kagna mina di pribi, dimere eraluwe di, Jisas yegl dugwa.

Ene deno muduno naribi, na kana duglo boraiglkwa.

Na Nina yugumogl i, ene againo mogl pai eraiglkwa mere yogwa. Ta yekruma, ene di teigo. Na pi ene moraiglmara ere wakai eraglka.

Te, na pi ene moraiglmara ere wakai ere tebo, na aglke ede ikne u ene na moglmara akie moramnedi agre i ede enaglka.

Ana Jisas yegl di kodugo, ye duglo boglkwa yagl Tomas di ikne ede, yegl dugwa, Yagl Kade yo, ene aglo mere enatnga i, no ta pre kan erekunga pre konbomo i ama pre kan erekuniwe dugwa.