Gewilde Bybelverse vanaf Ibru 1

Deel

Ana God Wam moglkwa i, God abuglagemo podo sumere yegl ye abuglagemo podo sugwa te, God siragl mere moglkwa i, ye kuno ere i nogugl ede norukwa. Te, God Wam kamo yobuglomo podo paugwa pre ye ka dumara i mina taragl pra pra suglno moglkwa. Ama nono deno muduno tadaglme paikran, pe sinabedi konbauna yauro noro, okuo ye ede heven ibo pidre, God mogl mitna kaima edugwa i, ogo wo kra ame di moglkwa.

Ana okna ibo God ye ege mere nono kowano awano ka di togwa igne, ye kamo kep yoba meglkwa i, nomane togo, ye kamo i pi kowano awanoma di teigwa. Te, God ye ka kep yoba nomane togwa i, konbauna kane kane mina nomane togwa. God okna yegl erukwa ba erme taragl mudu dudunabuka magigl erukwa igne, ye Wam mina ka di norukwa. God taragl kane kane ere yogwa i, ye Wam mina ere yedre, te ye Wam i, taragl mudu kaima idre, bitno morabedi kere i pere ede kodugwa.

Angelo mudu meglkwa i, ye murubuglo mogl, God kogonmo ersre, ye yobama ake ple di te meglkwa. God yoba ta okuo taragl wakai inaiglmedi ere yugwa yobamo i, angelo ake ple di teigwa.

Ana God ye Wam pre ka ta ama yegl dugwa, Yagl Kade yo, ene okna ibo dumo makan beke yenga. Te, kamun mitna ibo paugwa i, ene ere yenga yagle motnga. Kugugl gagl ta bugl kide erumere mere yegl, Kamun mitna ya dumo makan mudu u kide pidre, dudinaiglkwa Ba ene mogl pai moratnga.