Gewilde Bybelverse vanaf Galesia 5

Deel

Ba yoba Mudu Murubuglo duglo beglkwa igne, ye meglmara kogon eruko, ye mogo wakai keglkwa. Ye deno muduno ikne ikne tedre, gun yei, deno muduno wida di idre, deno tabre kubrokre, yoba ere wakai ere te, ye ama ka dimara adigl moglsre, mabuno wakai beglkwa. Te, ye ama kiede mogl, deno muduno goglo i, ake atne edigwa. Mabuno wakai pra pra i, yoba lo ta ere padigl, mane dikrikwa.

Na diga i, ene Mudu Murubuglo duglo bogl meglbi, deno muduno goglo pogglau boran, ene ta yage sikraiglkwa.

Te, Mudu Murubuglo nono ere i kor edugwa pre ye ta di norabere swara duglo boramga.

Ana nono Krais Jisas yobama ta munga i, deno muduno goglo ede prak mina si padunga. Deno muduno goglo mabuno kide wakai pre tedre, eragledi prukwa i, mudu ede prak mina si padunga mere yegl paugwa.

Ana yoba deno muduno goglo duglo beglkwa igne, ye mabuno siragl mere erikwa i, nogugl paugo, kamga. Kumugl abai ya yagl abu ta bogl kunogl nedre, mabuno deglbi yogwa i ersre, mabuno gua gua eriko, kamga. Te, ye god kibi kamage ere tedre, kumo giai erikwa. Te, yene ama ikne ikne kide kan, jelas ere tedre, nonga digwa. Yoba yegl ersre, ama deno podo kubro, si buno di ede pere pere pidre, yene mogl mitna edidre, yoba no kano swara praiglmedi erikwa. Ye yegl ersre, te, yoba pere taraglno bubuno goglsre, spak ersre, spak erimara ama ka kade didre, mabuno gua gua erikwa. Yegl ersre, tadaglme tau mere ama erikwa. Na okna ene di teiga ba aglke kor di tenaglka. Yoba mabuno kide yegl ta ere moraiglkwa i, God yoba kingno mogl, suglno morabara taragl swara ta ikraiglkwa.

Agrama abarama wagle, ene prio! God ene lo mina atne kane paikre, yoko kaima moraiglmedi agle dugwa. Ba ene kane paikrumnedi prisre, deno muduno goglo duglo boglkrio! Ene yoko kaima munedi prisre, ene ikne ikne wakai kan, niglno kogono ere teo!

Deno muduno goglo Mudu Murubuglo ake atne edenagledi eruko, Mudu Murubuglo deno muduno goglo ama ake atne edenagledi eruko, eribrika. Ye kuda ikne ikne miurka i pre ene mabuno wakai boramnedi eribi, waragne paugwa.

I siragl pre God lomo paimara i, lo swara ta God lomo mudu bi dugwa. Lo i yegl paugwa, Ene enene wakai kanimere yegl, yoba ta magigl akie kipanaiglkwa i, ama yegl mere wakai kanio! dugwa.

Ba no nono pre mitna edidre, agroma abaroma tau deno buglo yei, jelas ere tekramga paugwa.

Krais nono kane paikraiglmedi nono ere i meda edugwa. Yegl pre yoba ta lo mina atne kane panaiglmedi eribi, ene adigl gigledi moglsre, mane dio!