Gewilde Bybelverse vanaf Lúkasa 7

Deel

Buád buanda nguɔyɔnɔ́ ká, gianta gá ɛlɛ́ga umánuala, gúdíyényi ká bɛfal bág bínyá giod ganyɛ bɛnɛ́nan. Kányɛ búnyá ká ewe bánɛnanɛná siɔdɛd gúbianan mɔɔn wa ɛlɛ́ga.» Uganyɛ sɔ́n gá agánd ká: «Bɛfal bɔ́w ganyɛ bɛnɛ́nan.»

Yésu ganyɛ gɔg gá agánd ká: «Giɔndi ɔdɛ́mɔ́ gɔ́w mógusódí, ɛmbɛ́ agá bumben.»

Uwond agá gélem gá Yésu agá bigɔ́nd ubaŋa, unyumbigenyi bɛgɔnd bá Yésu na malɛlɛ mág. Agá gélem ány, uwofuóno bɛ́ na iŋíde ság, usɔ́sɔ bɛ́, uwefuénen bɛ́ alabɛ́nda.

Buád buanda nságuán yaŋuá muát ká, ndiíl ɔgɔ́w góbusió; ta anaány, ɔyɛ́d buóny táŋ búmoom, eŋél buol wám éŋúg. Nguɔ́yɔ anaány gágual ká yaŋuá muát inyɛ na bagɔn, ngúbianan ká yála bɔ́ nŋɔ́bɛnɔ, yond sɔ́n mbianan musia múbiananá ká múŋala nŋɔ́bɛnɔ. Mmaál gá wádia ká: “Mbɛ!” Wɔb. Mmaál góndodió: “Ólo!” Wuúl; mmánd gual gá eŋél buol wam ká: “Alá ebue” wal gual.» Yésu máal na guɔ́b gugál uguány, uweméŋeméŋ giod; uwabɛguagalɛd giŋi gá band gímáaládán wɔ́ uganyɛ ká: «Agá meliŋítas, mmányɛ ndián nɛnama na giondiɔdɛ́mɔ́ egie, ta agá gadágadá wa baan bá Ísalayɛ́la.»

Agá gɛsɛgɛl giád gímoom, Yésu uwéŋúgenyi band giod bámáanúmá, na bámáabá bigónd, na bámáabiánán biád bá bíliíndié, uwond uwal ká bebúdebude giod ánaan. Uwad guondinyi band bá Sáŋa ká: «Ánɔ́b nuɔ́yɔ́n Sáŋa buanda númánuán numónd numɔɔ́b: Bebúdebude guánan, bigónd ánda, beŋúnuŋún basɔgɔ́nán, beduédue ɔ́bɔɔn, beguén bányɔgan. Basɔ́gasɔga ɔbɔ́bɛ́dɔ́lɛ́gɔn ndág ya nsɔ́m.