Gewilde Bybelverse vanaf Romeine 5

Deel

Hierin wys God Sy liefde vir ons: dat Die Gesalfde Een in ons plek gesterf het toe ons sekerlik nog sondaars was.

en die versekerde verwagting beskaam nie omdat die oorlopende liefde van God reeds in ons verstand, wil en emosie uitgestort is deur die Gees wat Afgesonderd is wat aan ons gegee is.

Nie alleen so nie, maar ons verheug ons ook in die pyniginge omdat ons weet dat die pyniginge, uithouvermoë in ons vervolmaak, Ya en die uithouvermoë vervolmaak ondervinding en die ondervinding vervolmaak versekerde verwagting

Omdat ons onskuldig verklaar is, sal daar daarom deur vertroue, vir ons vrede, vreugde, gesondheid, voorspoed en vergenoegdheid by God wees deur ons Meester, Yeshua, Die Gesalfde Een, want in Hom is ons, deur vertroue, waarin ons staan, in hierdie onverdiende guns ingebring en ons verheug ons in die versekerde verwagting van die Gemanifesteerde Teenwoordigheid van God.

Waarlik, Die Gesalfde Een het ter wille van ons swakheid, op díé tyd, in die plek van bose mense gesterf.

Hoeveel te meer sal ons, noudat ons onskuldig verklaar is in Sy bloed, deur Hom gered word van die toorn

want net soos deur die ongehoorsaamheid van die een mens baie sondaars geword het, so sal ook deur die gehoorsaamheid van die Één baie onskuldig word.

Nie alleen dit nie, maar ons roem ook in God deur ons Meester, Yeshua, Die Gesalfde Een, want dit is in Hom wat ons nou die herstel van ons verhouding ontvang het