Gewilde Bybelverse vanaf Лүк 9

Deel

Аннары Гайсә аларның барысына да болай диде: – Минем арттан барырга теләгән кеше үз мәнфәгатьләреннән ваз кичсен һәм, хачын күтәреп, һәркөн Миңа ияреп йөрсен.

Чөнки җанын саклап калырга теләгән кеше аны югалтыр, ә Минем хакка җанын биргән кеше аны саклап калыр.

Гайсә аңа: – Җир сөрергә дип сукага тотынгач, артына борылып караган кеше Аллаһы Патшалыгы өчен яраклы түгел, – диде.

Әгәр кеше бөтен дөньяга ия була, әмма үзен харап итә яки үзенә зыян китерә икән, аңа моннан ни файда?

Кем дә булса Миннән һәм сүзләремнән гарьләнә икән, Адәм Углы да Үзенең, Атаның һәм фәрештәләрнең балкышында килгән вакытта әлеге кешедән гарьләнер.

Гайсә аңа: – Төлкеләрнең – өннәре, кошларның оялары бар, ә Адәм Углының барып баш төртер урыны юк, – дип җавап бирде.

– Шушындый балаларның берсен Минем хакка чын күңелдән кабул иткән кеше – Мине кабул итә, ә Мине кабул итүче Мине генә түгел, бәлки Мине Җибәрүчене кабул итә дигән сүз. Арагызда иң кечкенәсе – чын мәгънәсендә бөек кеше.