Gewilde Bybelverse vanaf I Петернең хаты 2

Deel

Әмма сез – караңгылыктан Үзенең гаҗәеп яктылыгына Чакыручының шөһрәтле эшләрен игълан итү өчен сайланган нәсел, патша-руханилар, изге халык, Аллаһының Үз халкы.

Гөнаһлардан котылып хаклык өчен яшәсеннәр дип, безнең гөнаһларны Ул Үз өстенә алып хачка күтәрде: сезне Аның яралары савыктырды. Адашып йөргән сарыклар сыман идегез сез, инде хәзер Көтүчегез, җаннарыгызны Саклаучы янына әйләнеп кайттыгыз.

Кайчандыр сез хәтта халык та түгел идегез, ә хәзер Аллаһы халкы булдыгыз. Кайчандыр сезгә шәфкать күрсәтелмәгән иде, хәзер исә шәфкатьне кабул иттегез.

Яңа туган сабыйлар кебек, пакь рухи сөт эчәргә омтылыгыз; чөнки Раббы игелеген татып үскәндә сез котылуга ирешерсез.

Газиз дусларым! Сез – килмешәкләр һәм мосафирлардыр. Шуңа күрә үтенеп сорыйм сездән: җанга каршы көрәшүче гөнаһлы теләкләрдән качыгыз. Мәҗүсиләр арасында кылынган эшләрегез тел тидермәслек булсын. Шул вакытта, хәзер сезне явызлык кылучы дип нахак сүз сөйләсәләр дә, игелекле эшләрегезне күреп, Аллаһы килгән көндә Аны данларлар.

һәм үзегез дә, тере ташлар кебек, рухи йорт булып төзелегез. Шулай итеп, Гайсә Мәсих аша Аллаһыга хуш килердәй рухи корбаннар китерүче изге руханилар булырсыз.

Шулай итеп, һәртөрле явызлыкны һәм мәкерне, икейөзлелекне һәм көнчелекне, гайбәтне читкә ташлагыз.

Аңа – кешеләр яраксыз дип тапкан, әмма Аллаһы сайлаган кыйммәтле тере Ташка килегез

Ирекле кешеләр булып яшәгез, әмма ирегегездән файдаланып яман эшләр кылмагыз – Аллаһының коллары булып яшәгез.

Чөнки Аллаһының ихтыяры шундый: игелек кылуыгыз белән сез акылсыз һәм надан кешеләрнең авызын томаларга тиеш.