Gewilde Bybelverse vanaf ရှာန်လုကာ 18

Deel

စီးမှါခ့်ခါ ကိုယ်တော်ယေရှုကား ဟိန်တပယ့်တော်တာတ်တေ လာတ်အလျော့သောညယ် အမြဲတမ်း ဆုစိန်နင်းထှာကူ ငှေါဘင်းနာတေ ဥပမာစာနူယောက် မိန့်သမှာ။

အန်နိမ် အမဲဘင်းတရားသူကြီးစဲ ဟော်ဝါဟော်ဝါတေ ကူညီသအီဘန်းကား ဘုရားရှာန်ရီးဒါး ဟိန်ဘေ ပလန်းပလန်းလျှောက်သဘင်း ဟိန်မယ်ဘန်းပဲဘင်းဆိတ်တာတ်အတွာတ် တရားမျှတသဘင်းတေ အဟုတ်မလပ် လာအီရီကလားထှာမှာ။ ဘုရားရှာန်ကား အန်တာတ်တေ ကူညီသအီဒင် မှါခ့်ပန်းနင်းကလားအချီရား။ ဟနိမ်တေ ငါငှေါကူ။ ဘုရားရှာန်ကား အန်တာတ်အတွာတ် တရားမျှတသဘင်းတေ ကစက်စဖော့ စီရာန်သအီကူ။ အန်နိမ်စါန်းငှေါဒီ အဘင်းကမ္ဘာစောက်ပေ သမီဆာဆားတော်ပြန်သဘန်း ကြွဒီဟာန်းမှါခ့်ခါ ဟိန်ဒေ ယုံကြည်သဘင်းဆိတ် ဟော်ဝါဟော်ဝါဆတေစဲ ကတုံန်လူကလည်း” ညယ် မိန့်တော်မူသမှာ။

ကိုယ်တော်ရီးဒါး “သမီဆတာတ်အွန်လား အထှာရန်ဘင်းနာတေဒေ ဘုရားရှာန်ကား အွန်ရန်မှာ” ညယ် မိန့်တော်မူသမှာ။

အတော်တန်မှါခ့်ကွန်းထုတ် တရားသူကြီးကား မုဆိုးမငှေါဘင်းနာတေ ဂရုအစိုက်သညယ်နင်းရီမှာ။ အန်နိမ်စါန်းငှေါဒီ နောက်ဆုံးဘေ ဟိန်ကား ‘ငါကား ဘုရားရှာန်ဒေရီးဒါးအစာတ်၊ သမီဆတာတ်တေရီးဒါး အလေးစားသဝါး။ အန်နိမ်စါန်းငှေါဒီ အဘင်းမုဆိုးမကား ငါတေ ပလန်းပလန်း နောက်ယှက်သနင်းဘင်းအတွာတ် ဟိန်နင်း တရားမျှတသကွန်း ငါစီရာန်သအီထှာကူ။ အန်နိမ်မားဆာ ဟိန်ကား ငါပါပလန်းပလန်းဒီဘန်း နှောက်ယှက်သနင်းဘင်းတေ ရပ်တာန်ကလားထှာမှာ’ ညယ် ဟိန်ကောက်ဟိန်ငှေါနင်းမှာ” ညယ် မိန့်တော်မူသမှာ။

ဟနိမ်တေ ငါချီလားဒေ ငှေါထှာဘန်းကား ဘုရားရှာန်ဘင်းသာသနာတော်ဒေ ရှရှာဟော်ဝါနိမ် အလက်ခံသဘင်းဆိတ်ကား ဟာ၌မှါခ့်ခါစဲ ဆာန်ရန်ကလားအချီရား” ညယ် မိန့်တော်မူသမှာ။

အန်နိမ်စါန်းငှေါဒီ ကိုယ်တော်ကား ရှရှာဒေ ဟိန်ပါကော်ဘန်း “ရှရှာတာတ်ငါပါဘေ ဒီစိန်းယုတ်အာန်။ အန်တာတ်တေ အတားဆီးသဆာ။ ဟမာန်တွာတ်ငှေါဘန်းတာတ်ငှေါ ဘုရားရှာန်ဘင်းသာသနာတော်ဘေ နင်းထှာကူဘင်းဆိတ်တာတ်ကား အဘင်းရှရှာတာတ်နိမ် ကိုယ်ကောက်ကိုယ် နိမ့်ချသဟာဘင်း ဆိတ်တာတ်အတွာတ်၌ဆာ ထှာဘင်းအတွာတ်ထှာမှာ။

ကိုယ်တော်ရီးဒါး “မိတ်တူရှီ ကတုံန်လူဟာန်းစိန်း။ နာန်ယုံကြည်သဘင်းနာကား နာန်တေကုသအီရာန်ဘန်း” ညယ် မိန့်တော်မူသမှာ။

ကိုယ်တော်ယေရှုကား ဟိန်ဒေ “ငါဒေ ဟမာန်အတွာတ် ကောင်းမြတ်သဘင်းဆိတ်ညယ် ကော်တေ။ ဘုရားရှာန်တစ်ပါးဆာဟက်လွဲသဘန်း ကောင်းမြတ်သဘင်းဆိတ် ဟာဟမဲစဲ အဘိုဝါး။