Gewilde Bybelverse vanaf Олӧм 37

Deel

Ӧсип аддзыліс вӧт да висьталіс сійӧс вокъясыслы. Таысь найӧ ёнджыка на кутісны мустӧмтны сійӧс.

Израиль радейтіс Ӧсипӧс мукӧд пиянсьыс ёнджыка, ӧд сійӧ чужис сылӧн пӧрысь кадӧ. Батьыс козьналіс Ӧсиплы уна рӧма кузь дӧрӧм.

Вокъяс аддзисны, мый батьныслы Ӧсип мусаджык на дорысь, да кутісны мустӧмтны сійӧс, весиг лӧгпырысь сёрнитісны сыкӧд.

Ӧсип бара вӧталіс да висьталіс [батьыслы да] вокъясыслы: «Ме нӧшта аддзылі вӧт. Шонді, тӧлысь да дас ӧти кодзув копыртчылісны меным».

Вокъяс лӧгалісны Ӧсип вылӧ, а батьыс сьӧлӧмас босьтіс сылысь висьталӧмсӧ.

«Кывзӧй, – висьталіс налы Ӧсип. – Ме вӧтаси, ми быттьӧ кӧртавлам кольтаяс вундӧм му вылын. Сэсся менам кольтаӧй сувтіс, а тіян кольтаясныд сувталісны гӧгӧрыс да копыртчылісны менам кольталы».

Мунамӧй, виам сійӧс да шыбитам юкмӧсӧ. Гортаным висьталам, мый лёк звер сійӧс косявліс. Сэки видзӧдлам, инасны оз сылӧн вӧтъясыс».

Кор мадианса вузасьысьяс матыстчисны Ӧсиплӧн вокъяс дінӧ, найӧ кыскисны Ӧсипӧс юкмӧсысь да вузалісны сійӧс кызь сикель эзысьысь. Ӧсипӧс нуисны Египетӧ.

Ӧта-мӧдныслы шуисны: «Со локтӧ вӧтъяс вӧталысьыд!

Вокъяс ылісянь аддзисны Ӧсипӧс да кутісны ӧта-мӧдныскӧд сёрнитны сійӧс виӧм йылысь.

Энӧ кисьтӧй вир. Шыбитӧй сійӧс овтӧминса косьмӧм юкмӧсӧ, но энӧ виӧй». Тадзи шуис, ӧд кӧсйис мездыны Ӧсипӧс налӧн киысь да бӧр мӧдӧдны батьыс дінӧ.