Gewilde Bybelverse vanaf 1 Corintios 2

Deel

Ja̧'hua̧ta̧nö̧ päa'a Huȩyu̧cuä̧ Huȩnȩ: Dios aditinömä, ja̧u̧ru̧ repe'ätörö iya pä'inö yoröiso ttö'ärenä tottocö'inä, ttä̧ja̧nä̧ ttä̧ju̧cuo̧cö̧'i̧nä̧, ttami iso'quinä ttamöcuädocö'inä.

Ka̧ra̧mä̧ Espíritu Santorö ku̧nä̧ro̧cö̧mä̧, yoröiso pä̧huä̧ jui̧'a̧ ja̧u̧ huȩnȩ, Espíritu Santo i̧huȩnȩ. Ja̧u̧mä̧ ja̧u̧ huȩnȩ ttu̧'ȩpä̧ro̧co̧tö̧ ttucuocu'a̧nö̧ jö̧ huȩnȩ pä'ö amöcuädö. Ja̧'hua̧ta̧nö̧ ja̧u̧ huȩnȩ Espíritu Santo u̧huo̧juȩta̧'a̧ttö̧, yoröiso ä̧ju̧cu̧'i̧nä̧ ä̧ju̧cuo̧cö̧.

Iso päi'önä ja̧u̧ ttierumä Dios huo̧juȩti̧nö̧do ujuturu chutä Espíritu Santonä. Ja̧u̧ Espíritu Santo o'ca juiyönä Dios jähuä rö̧ȩnä̧ huo̧ju̧nä̧ ka̧cuä̧mö̧ huo̧jua̧.

Ja̧'hua̧nö̧ ja̧'a̧ttö̧ ujutumä pi̧jä̧ jähuättö espírituru ȩmo̧co̧tö̧ pi̧nä̧tö̧jä̧. Ujutumä Diosttö ȩmi̧nä̧tö̧jä̧ Espíritu Santorö, o'ca juiyönä Dios adihuä juäi iyinömä adiu tu̧huo̧jua̧ pä'ö.

Ja̧'hua̧nö̧ ja̧'a̧ttö̧ ucuturu jidähuomenä, rö̧ȩnä̧ huo̧ju̧nä̧ ttucuocu'a̧nö̧ ji'ähuocö pi̧nö̧sä̧. Iso päi'önä Espíritu Santonä Dios ujurunä ji'ähuinösä. Ja̧'hua̧nö̧ ji'ähuinösä, pi̧jä̧ ttö̧ja̧ ttu̧huo̧ju̧nä̧ cuesetätucu juiyäcua'a̧nö̧. Ji̧yȩä̧cuȩtä̧ Dios ujurunätä adiu cuesetätucua pä'inösä.