Gewilde Bybelverse vanaf Pigbukasan 2

Deel

Manang awun pagsalaꞌ ku kamayu: Migkatagbiꞌ da ya pagginawa mayu kanak, aw bekeꞌ da na kasiling na idtu na muna.

Yanagaw anenganenga mayu ya kadakulaꞌ na pagginawa mayu kanak idtu muna. Pagselsel kamu aw imo-a mayu ya madyaw kasiling na pig-imoꞌ mayu idtu na bagu pa kamu nyangintu-u! Kun diliꞌ kamu magselsel, kawunan ta kamu aw kamangen ku ya saleng lekat adti kamayu.

Manang diliꞌ kamu magkallek sa pagti-is na un dumateng. Pakanyegi ya un ku paglongun! Seled na sampulungallaw un kamu pakalabusu ni Satanas pada tanda-en ya kamayu pagpangintu-u. Manang diliꞌ mayu pag-ayawan ya pagpangintu-u mayu kanak pangkay kamatayen pa ya kamayu datengan, aw un ta kamu tandanan na korona na yan ya ginawa na walaꞌ ya katigkasan.

“ ‘Yanagaw, kamu na migpakanyeg, ka-ilangan kalabetan mayu ya piglong na Ispiritu Santo adti kadég mayu na manga mangintu-uway. “ ‘Ya utaw na dumeg sa malatay, pakangan ku na makakan sa bunga na Kawuy na Maka-atag sa Ginawa na awun ni Para-iso na pigtagilan na Tyumanem.’

Nya-edeꞌ aku sa manga imo-unun mayu aw sa pagud mayu aw sa kadugay na kamayu pagti-is. Aw kya-ede-an ku uman na diliꞌ mayu mati-is ya manga mig-imoꞌ sa malatay. Pigtandaꞌ mayu ya bet aw ya palna-u na manga utaw na sallong kunu apostolés. Aw kya-ede-an mayu na galu-un kadiꞌ silan.

Nyati-is mayu ya madég na kamayu kya-agiyan asuntu sa pagpangintu-u mayu kanak, aw walaꞌ pagkalumay ya kamayu ginawa.

“ ‘Yanagaw, kamu na migpakanyeg, ka-ilangan kalabetan mayu ya piglong na Ispiritu Santo adti kadég mayu na manga mangintu-uway. “ ‘Ya utaw na dumeg sa malatay, atagan ku sakanan na mana na pigdayaw na walaꞌ pa kita-a. Aw atagan ku uman na batu na maputiꞌ na pigsulatan sa bagu na ngalan. Aw ya ngalan yeiy, walaꞌ ya eped na maka-edeꞌ. Yan oloꞌ ya maka-edeꞌ ya utaw na pig-atagan.’