Gewilde Bybelverse vanaf Pigpan-imo' 9

Deel

Manang miglong si Jisus kanan, “Kadtu kaw ni sayid nan, kay pigpamalliꞌ ku dadan si Saulo na un aku nan pa-edeꞌ adti manga utaw na Héntil, aw adti asdangan na manga hariꞌ, aw adti manga utaw na buwadbuwad ni Isra-él.

aw dayaw sakanan nyatuwad dun ni lupaꞌ, aw awun tingeg na dyengeg nan, “We Saulo! We Saulo! Anangaꞌ aku mu gayed pamulayaman?” Aw tyumubag si Saulo, “Singalan kaw kay Sir?” Aw tyumubag ya tingeg, “Aku saba si Jisus na gayed mu pigpamulayaman.

Yanagaw nyadtu si Ananiyas aw syumeled adti balay ni Judas. Aw pigpandungan nan na kanan palad si Saulo, aw law nan, “Kay inulug Saulo, pigsuguꞌ aku ni Jisus na kanaten Matas na Pangulu, yan saba ya migpakitaꞌ kanmu dun ni dalan talana mu migpasinan adi. Aw pigpakadi aku nan pada salut kaw kumitaꞌ aw matmuꞌ na Ispiritu Santo.” Aw tigkan awun nyangkataktak lekat adti mata ni Saulo na kasiling na manga imbis na isdaꞌ, aw dayaw sakanan kyumitaꞌ salut. Pagkatigkas yan, nyindeg sakanan aw migpaba͡utismu la.