Gewilde Bybelverse vanaf 2 Corinto 6

Deel

Diliꞌ kamu gayed magpasambuk aw magpadaladala sa manga utaw na walaꞌ pangintu-u. Diliꞌ saba madyaw na magsambuk ya manga dyumalug sa pagkaliman na Tyumanem aw ya manga walaꞌ dalug kanan. Kay diliꞌ mabatug mag-isambuk ya kalalamdag aw ya mangitngit.

Kasiling kitadun saba na Témplo na pig-eya-an na Tyumanem na Gayed Awun. Aw adti Témplo yeiy, diliꞌ mabatug na dun uman ya manga palangad tyumanem. Kay diliꞌ mabatug pagsambukun silan. Aw miglong ya Tyumanem asini muna: “Meyaꞌ aku dun eped nilan aw gayed ku silan agad-agadan. Aku ya un nilan imo-un kanilan Tyumanem, aw imo-un ku uman silan kanak manga utaw.” Aw miglong pa ya Tyumanem kanilan

“Yanagaw diliꞌ kamu magpasambuk sa manga utaw na walaꞌ ya pagpangintu-u kanakeꞌ, aw diliꞌ kamu uman magpadaladala kanilan. Diliꞌ mayu pag-awidan ya malatay na makapalipaꞌ kamayu. Kun dalugun mayu ya kanak manga suguꞌ, dawaten ta kamu. Aw aku ma-imoꞌ ama mayu, aw kamu uman ma-imoꞌ kanaken manga mangayseꞌ na eseg aw manga mangayseꞌ na bubay.” Yeiy ya piglong na Tyumanem na migdumala sa kadég.

Tengteng saba na diliꞌ mabatug magkasambuk ya anenganeng ni Kristu aw ya anenganeng ni Satanas. Yanagaw, diliꞌ mag-unawa ya anenganeng na mangintu-uway kan Kristu aw ya walaꞌ pangintu-u kanan.