Gewilde Bybelverse vanaf 2 Corinto 12

Deel

manang walaꞌ nan kamanga. Miglong baling sakanan kanak, “Umbaꞌ saba ya kanak grasya kanmu. Kay pig-apet da mu ya kanak katulus pangkay walaꞌ ya mabatug mu.” Yanagaw magleya aku maglong na walaꞌ ya kanak mabatug, pada meyaꞌ asini kanaken ya katulus ni Kristu.

Yanagaw pagleya͡an ku baling ya manga diliꞌ ku mabatug, dala ya pagsupla na manga po-on, aw ya manga pagpamulayam, aw eped pa na manga kalugan asuntu sa pagdalug ku kan Kristu. Kay kun awun diliꞌ ku mabatug, pigpakabagseg saba aku na Tyumanem.

Aw pangkay kun kaliman ku magpalibantug, manang bekeꞌ aku na menengmeneng kay piglong ku ya matinaw. Manang tagenan ku ya kanak pagpalibantug, kay kaliman ku na ya manga utaw ya mag-anenganeng sa unu ya kanilan kyinitaꞌ aw pigdengeg nilan adi kanak, aw diliꞌ na aku ya mag-ubat-ubat sa kanak manga kya-agiyan. Madég ya pigbukasan kanak na Tyumanem na walaꞌ ya maka-unawa, yanagaw pigpa-agiyan nan uman kanak ya malug pada diliꞌ aku magpatastas asuntu sa pigpakitaꞌ nan kanak. Pigtumbay nan kan Satanas na pati-isen aku, aw ya pagti-is yeiy kasiling na suksuk adti lawas ku pada diliꞌ aku magpalibantug.