Gewilde Bybelverse vanaf مَتّی 6

أمَّن بي الْبِدایَه کونوا وَراء مَلَکوت الْإلَه وَ عَدالته، هِنّوب هِذَن کِلهِن هَم راح یِنْعُطَن ألکُم.

چا لا تِهتَمّون لِباچِر، لِأن باچِر راح إیکون عِندَه هَمّه. مَشاکِل الْیُوم تِکفي لِلْیُوم!

«چا أگِلکُم، لا تِهتَمّون لِحَیاتکُم إلْلي إش تَأکلون وَ تِشُربون، وَ لا لِجِسِمکُم إلْلي شِتْلِبسون. هَل الْحَیَاة مو أهَم مِن الْأکِل، وَ الْجِسِم مو أهَم مِن الْمَلابِس؟

أمَّن أنتَ، وَکت إلْلي تِنْدِعي روح إلَیٰ دارَک، سِد الْباب وَ إنْدِعي عِند أبوک إلْلي ما أحَد یِگدَر یِشوفه، وَ ذاک الْوَکِت أبوک إلْلي یِشُوف کِل شي إلْلي أحَد ما یِگدَر یِشوفه، راح یِنْطیک أجُر.

«چا هِیچي إنْدِعُوا: «أبانا إلْلي بي السَّماء، لِیتَقَدَّس أسمَک. لِإیّي مَلَکوتَک. مَشیئتَک، مِثِل ما إتْصیر بي السَّماء، عَلَیٰ الْأرض هَم خِل إتْصیر.

أرزِقنا الْیُوم خُبزَة یُومنا.

وَ أغفِر ذُنوبنا، مِثِل ما إحنَا هَم نِغفِر ذَنب الْمُذنبین بي حَگنا.

وَ لا تْجَرُّبنا، بَل حَرِّرنا مِن الشَّریر. لِأن لَک الْمُلک وَ الْقُوَّة وَ الْمَجد، إلَیٰ الْأبَد. بِالْحَق.

لُو تْسامحون أخطاء النَّاس، أبوکُم السَّماوي هَم یِغفِر ألکُم.

شوفوا طُیور السَّماء. هِنّه لا یِشِتْلَن وَ لا یِحُصدَن وَ لا یِخِزنَن بي الْمَخازِن وَ مَعَ هَذ، أباکُم السَّماوي یِرزِقهِن. هَل أنتُم مو أهَم مِنهِن؟

«لا تْخَزنون لِنَفِسکُم خَزانه عَل أرض، مَکان إلْلي الْأَرضه وَ الْیِنزار یِضُرَّن وَ الْحَرامیه تِنگُب وَ إتْبوگ. أمِّن أخِزنُوا لِنَفسکُم خَزانه بي السَّماء، مَکان إلْلي لا الْأَرضه وَ لا الْیِنزار یِضُرَّن وَ الْحَرامیه ما تِنگُب وَ ما إتْبوگ. لِأن وَین ما إتکون خَزانتَک، گَلبَک هَم راح إیکون أهناک.

«وَ لا أحَد یِگدَر یِخدِم سِیِّدَین، چِن لُو یِکرَه واحَد وَ یِحِب الْآخَر، لُو یِضُل وافي لِواحَد وَ یِحگُر الْآخَر. ما تِگِدرون إتکونون عَبِد لِلْإلَه وَ هَم عَبِد لِلْأفلوس.»

لُو الْإلَه هِیچي یِلَبِّس وُرود عِشَب الصَّحراء إلْلي الْیُوم مُوجوده وَ باچِر تِنذَب بي التَّنور، هَل أنتُم یا قَلیلین الْإیمان ما راح یِلَبِّسکُم أحسَن ؟

چا وَکت إلْلي تِنْطي صَدَقه، لا تْخَلّي إیدَک الْعَسمه تِفتِهِم مِن شي إلْلي عِملَت إیدَک الْیِمنه، خِل صَدَقتَک إتکون بي الْخَفاء؛ وَ أبوک السَّماوي إلْلي یِشوف الْخَفاء، راح یِنْطیک أَجُر.

«دیرُوا بالکُم، لا تِعمِلون أعْمالکُم الصَّالحه جِدَّام أنظار النَّاس خاطِر إتْراوون نَفِسکُم. إذا تِعِملون هِیچ، ما عِندکُم أجُر عِند أباکُم السَّماوي.

«وَکت إلْلي إتْصومون، لا تْگُلبون وَیِهکُم مِثِل أهل الرّیَاء، لِأن هُمّا یِغِیرون وُیوههُم خاطِر یِراوُن نِفِسهُم صایمین. بِالْحَق، أگِلکُم، هَذا إیکون أجُرهُم الْوَحید إلْلي راح یأخذونه. أمَّن أنتَ مِن إتْصوم، أدهِن رَأسِک وَ أغسِل وَیهَک خاطِر صِیامَک لا یْبَیِّن لِلنَّاس، بَل لِأبوک إلْلي بي الْخَفاء، وَ أبوک إلْلي یِشوف الْخَفاء راح یِنْطیک أَجُر.