Gewilde Bybelverse vanaf Matta 2

Deel

Ba ja dɔ lɔngɨɨ, nǝngɔ ja kuwo bwɛ jǝbɔ nyɨya gɔ Maryamui. Nǝngɔ ja gǝla ja jʊng nǝn dun ja nǝ gǝn dʊʊnɨ. Nǝngɔ ja wumo bǝla kemʌn jini, nǝngɔ ja nǝ gǝn lǝma mʊn, jǝbɔ kaam kanjǝl twɨtǝm nɨ nǝn kunʌn lǝmɨ nɨ jǝ jo lɛ gɔ luban jǝbɔ mʊng.

Nǝn kwama ja bʌm Yesu a Baitalami a Yahudiyaɨ, Hiridus nǝn gɔ fɔlɔ a kwama gɨɨ. Nǝngɔ kaam dʊʊm nǝb nyǝmtǝm a bɛ a twal a Urushalimaɨ, ja bʌ gɔ, “Fɔlɔ Yahudawagɔ ja bʌi n fee? Nǝn kuwo nyanyamɨ gǝnɔ a twal. Nǝngɔ nǝn bɛ sǝ ba nǝn jʊng nǝn nǝ gǝn dʊʊnɨ.”

Nǝn kwama ja kuwo nyanyamɨ nɨɨ, ja maa fulotǝm nǝl dangǝn.

Kwaama a kwɛl a gʊ lɔl jinɔ a dʊgam gɔ, ka ja yǝla lɛ a daa Hiridus woi. Nǝngɔ ja yǝla ja do kaa gola ja shu a tǝm jini. Nǝn kwama nǝb nɨ a shui, nǝngɔ bwɛ twama Tɛlalɔɨ a nʊng Yusufu a mʊgɔ dʊgam gɔ, “Gun guni, do bwɛ dwalɨ nɨ jǝbɔ nyɨya gɔ ń mwal ń yɔ nǝn a tǝm Masar. Bɛ ka ń yǝla lɛ ń bɛ, na mǝ twam mʊn bɔ twamaɨ, jʊ a bwɨɨ Hiridus saa lɛ sǝ gǝ jʌ gǝn.”