Gewilde Bybelverse vanaf 1. Korintarya 5

Deel

An ko liil činom t'menge, te venn t'mer kek mala kolendar, kay penenn pendar: “Me hom patslo” oun krenn vi-ladjedo koova, hi boklo pal i love, mangenn vavar koova an har o Debles, praasenn i vavaren, hi pipangre oun čorepangre. Te hi yek mashkral t'mende, kay krell savo koova, koleha rhan gar khetne!

Čivenn ko shoutlo yarro t'mendar krik, te venn t'mer har i nevo maro, kay kek shoutlo yarro dren hi! Oun čačepah t'mer han har i nevo maro! O Yezous Kristo vas menge maredo, te lell lo mari doosh mendar krik, yaake har i bibolde maran i bakro ap pengro baro dives, kay Passa kharella.

Kova hi gar maro koova, te rakras o čačepen pral kolende vin, kay gar patslo hi. Kova krell o Devel. T'mer hounte rakrenn o čačepen pral kolende vin, kay patsle hi. Vitsrenn koles dran t'mende vin, kay krell ko čilačo koova!