Gewilde Bybelverse vanaf 1 Koorin 9

Deel

A'mwo resis tovi yodupudo tooro kevnokweravuro kulako tonyu pi'mwono mollomwallunyokwerogano. Su toro yodupudo tooro kwako akavida'ai resis tovuro mubiyo mallo'mo winodupudo su tov kaiyako yere i'nopiyodowodokwono. Toro kuvi kuruv nemoro muunyu kai'muuda'ai mubiyo mallo'mo nekullunodowodo su to'gwowi kaiyako yere mi'nopiyowo'ji yiunokuudo mujo'movlaiyo'moneyokweyokwono. Mubiyo su tollugwo mallo'mo anekulluno'ji tov nemi Aguto toollu pi'mwono neya uumjunmwalanonogano. Aki a'mwo pwol resis tovuro aiyowo'mo do'gwapi tomuu kuulai'meyo'mo tool sumdo yasuwa'nodo tomuu miyenomollowo'ji yiuno ido'nyuno kano kano kuulawonekono. Su toro toolbusuko kubalno nuvu Gooti toollu po'dogalo uumjunodumdonyugono. Aki a'mwo pworal sumwonyo yo'moneyokwe kemi ato tokwe molo sunbullu toga yasuwa'nodo tomuu maromiyodubulorakono. Toro kuvi kuruv a'mwo pwol a'mwo pwollu kinamjowo'ji iwago yiuno'no romiyodowodekono. Su toro to'busuko kubalno nuu Gooti toolluro womdo nubweyodowodo tovi kuvinono kinomjumovla'mdumdonyugono.

Aki toro toonyu aro kuudo yau'dumdonyugono. Nuvu a'mwo abolo punyu kuuguudo sugudo tokwe me'no amoruudumi toga lukomgu Gooti tool gamoro womdo su tovida'ai mubiyo ma'mo tov nomanyudukwopiyo'jo. Toro tovino tov a'mwo pwol resis tovi uuwolo'mdowodo toolbusuko kubalno moro kulako tekwo nuvnokwenyuro kuudo tovi neya uumjunoneyokwe tovino yogudo guureji yodumdonyugono.

Kevu kuudo neya jaullulo. A'mwo pworo resis tovi yopi toga yiuwi'nokai tooro kano kano pla'mdupudorogano. Toro kuvi kuruv yiuno pwolnodo tool uuwolowo'ji mubiyo tov ma'dowodekono. Toro te a'mwo pwol resis tovida'ai mubiyo mallo'mo kwino'ji tool nuuwoleyo'moneyokwe yogudo guureji yonekono. Su toro to'busuko kubalno kevu Aguto toollu guureji neya duumjunogaulo.

Aki a'mwo abolo jurogudo mimo'nodupudo togai amwalmi toga nuu kwonyu kuruv jurogudo mimo'nodowodo pwolbusuko imo'nodumdonyugono. A'mwo abolo su to kubuuro kuruv Krais toolluno kuudo neya uubwepino'moneyokwe nuvu su toro yodumdonyugono. Toro te nuvu yiuwi'nokai a'mwo abolo judo'no judo'nodo su tonbusuko aval'no imo'nodumdo tov aro tovinokwono. A'mwo abolo su tonyuro pun Krais toolluno kuudo kuubwepi tonyu Gooti tool ma'no ma'nodo tovuro kirumwallo tovida'ai bomollurolovomokalokwono'moneyokwe yodumdonyugono.