Ane sembe nangkabo, nimi saekpare wepsululom. Wepsululom nimina, Allah Eldamne Yameri seneragna sunsunum uro wanaag seneraglamangdi, wana maro hekto seneraglamangdi, walia ulamangba, ililamsilom nimi nusamag agha nimi saekpare wepsululom. Wepsimunba, ‘Sol wali, wali uro kwaneng toro tenne kelabo yauog taek kelabo nika-nika uro tarelamsululom,’ aro nimi saekpare tanekoag ambatsiberi wepsukap. Wepsibeba sindi saelbamikti, nimi yeplamsukang. Nimi saekpare wepsimunne tanekori nimiri tenaba saelbamikpa, nu Yesusti wepto pogsiog nangdi sop-sop Allahag molona mololameberi, Allah yubu ambatto yeplamsukap,” seek.