Gewilde Bybelverse vanaf Pogsiog Nang 2

Deel

Wene aro haibahiekpa Petrustina, “A'undi malia seneragto ulamlomne lipsimundi, Allahri senenne salero ulamlulom. Salero ulapmundi, Yesus Kristus siag kekhaekto nenel dalapmunne sembe maghag pelengkipsukang andarina, a'undi malia uropne Allahri tam wailag nembaleri, Allahri Eldamne Yame Walinge tatsilul.

Ma'al dalamekti, Yesusti wepto pogsiog nangdi yubu ambarelamsiekpa, sinag kweleknag sol wali uro yubu ka'elamsiekti seneraglamek. Wana nhonog uro sae tiptangto wamekti, kwaneng kheptangto tero ulamekti, Allahag molona mololamek.

Sinag pulamsiogti, Allah Eldamne Yame Walingeri sin nongag to'opto wa'isiogti, mikipne pipsiog. Mikipne pipsiogpa, sin ekon yubu ka'eptanep kom yubuag alnibaekti, a'ero-a'erop yubuag Allah Yame Walingeri tatsiogha sunsunum uro lelamek.

Poloro winip tangto wamekpa, imag agha khao lilim mu arop saog uro lelamogpa, lo'om alamekag agha, ae sin wamek ae anekoag mu aro tobonglamog. Tobonglamogpa nimi taneko toman a'ero-a'ero auk pog libang-libang arop saogne sinag pulamsiog. Sinag pulamsiogti, Allah Eldamne Yame Walingeri sin nongag to'opto wa'isiogti, mikipne pipsiog. Mikipne pipsiogpa, sin ekon yubu ka'eptanep kom yubuag alnibaekti, a'ero-a'erop yubuag Allah Yame Walingeri tatsiogha sunsunum uro lelamek.

Sinag kweleknag ma'ap tangto sol wali, wali uro Allah yubu sembe Allahri Mem Ae aramag poloro winildal wa'alamek. Sikindinge ae a'ero, “Kwaneng khepto tukap,” aro nhon aeag tea, nhon aeag tea wana wali uro yeng uro wamekti, Allah omeklamek. “Sin wana wali ulamang,” aro nimi niri wana awi uro tilamsiek. Wana awi uro tilamsiekpa, nu Saelba Uhiropne ponekori, “Nimi tane taulbahinun,” senelamogne sunsunum uro nimi maikno tanekoag wana heklamsiogpa, Yesusag sikne aro seneragtop nimiap ma'al tanag sop-sop ma'al dalamekpa, maikno talamsiog.

Allahri lebogne Yoel ponekori mome toro pibog nena, ‘Ik komopnag li wamikag nari Nandamne Yame Walinge nimi ni mog so'oag wamik nimiag maiknoro pelengel anun. A'undi mabo kelmabori babe nari yubu silimu tipto ambarelamsukang. A'undi mabo nari, “Ibukang,” sembaneri uanea sunsunum uro ibukang. A'un isag yabo nari, “Lenda mabukang,” sembaneri el nembahinenge lenda mabukang.

Nimi ni Yesusag sikne aro wana palilamek nimi taneko wana nhonog uro wamekti, “Andinge naringe,” sen koma ot “Nuringeog,” senelamek. Saeagha sikindinge kamna kapto tolamekti, kamna tolameka aneko teko wamsiogha sunsunum uro tarelamsiek.

Apna nimi etneri nu Saelba Uhiropne ponekoag si lero yoplamik tanena, sin ni taneko taulbahilul,’ aro Yoel pere agha ambarog.

Imap so'oap Saelba Uhiropne yale sum eneko elel-molel arop sum talul. Aghana ik nubu sum eneko uro yabin komag, heng inibin sogmondo seleba, wal imag wamlange eneng saog talul.