Gewilde Bybelverse vanaf Гъэсэпэтхыдэхэр 2

Deel

Ӏущыгъэр дэ къыдэзыпэсыр Тхьэуэ Зиусхьэнырщ, Аращ къызыбгъэдэкӀри щӀэныгъэр, зэхэщӀыкӀыр.

Си щӀалэ, си псалъэр пщтэрэ унафэу пхуэсщӀыр уи гум иплъхьэмэ, Ӏущыгъэм ухуэгъэзарэ зэхэщӀыкӀым уигу етауэ, акъылым ухущӀэкъурэ уигу хузэӀухауэ ар къыбгурыӀуэным уеблэу щытмэ, дыжьыныжьым хуэдэу абы улъыхъуэрэ кӀадэ гъэтӀылъыгъэу ущӀэхъуэпсмэ, абдежщ къыщыпщӀэнур Тхьэуэ Зиусхьэным фӀэлӀыкӀыным къикӀыр, мис итӀанэщ Тхьэр къыщыпцӀыхунур.

ЦӀыху захуэхэм ехъулӀэныгъэ инхэр Тхьэрщ къезытыр, гъуэгу пхэнж пэӀэщӀэ зыхуэзыщӀхэм Ар я мэӀущ. Аращ захуащӀэхэм хъумакӀуэу яӀэр, хуэпэжхэми я гъуэгур еузэщӀ.

ЦӀыху захуэхэрщ мы щӀыгум щыпсэунур, зигу къабзэхэрщ къинэнури абы; ауэ бзаджащӀэхэр мы щӀыгум трихыжынущ, цӀыху гъэпцӀакӀуэхэм я лъабжьэри ирихыжынущ.

Ӏущыгъэм хамэ цӀыхубзым ущехъумэ, нэгъуэщӀым и щхьэгъусэ и псалъэпцӀ къумалэм, пӀэщхьагъ ищӀар хьэкъыншэу зыхъуэжам, Тхьэм и пащхьэ щита нэчыхь псалъэр зыкъутам.