Gewilde Bybelverse vanaf Svun Juan 6

Deel

Ti Jesuse ja' yech iyal chac li'i: ―Vo'on li panon ti chcac' cuxlejale. Ti much'u ta xtal ta jtojole, muc'bu cha'iic o vi'nal; ti much'u chixch'une, mu xa bu cha'i taquiti'il.

Li jch'uleltique ja' chac' cuxlicotic; li jbec'taltic li ta sba balamile mu c'usi stu. Ti c'usitic la calbeique, ja' scuenta ach'ulelic, ja' chacuxiic o.

Mu me ja'uc no'ox ta avo'onic ta sa'el la ve'elic ti sna' xlaje, ja' tsc'an chasa'ic li ve'lil mu sna' xlaje, ti chacuxiic o ta sbatel osile. Li ve'lil chacalbeique, vo'on chacac'beic ti Xch'amal crixchano li c'ote, yu'un ja' yech iyac' ta ilel ti jtotic Rioxe ti vo'on quich'oj cabtele. ―X'utatic yu'un ti Jesuse.

Yu'un ti c'usi oy ta yo'on ti jtote, ja' ti scotol ti much'utic chojtiquinic li xch'amal Rioxe xchi'uc ti ch-ch'unique, ta sta scuxlejalic ta sbatel osil; vo'on ta jcha'cuxesic ta slajeb c'ac'al. ―X'utatic yu'un ti Jesuse.

Itac'av ti Jesuse: —Ti c'usi tsc'an Riox chapasique, ja' tsc'an chach'unic ti much'u stacoj tale ―x'utatic.

Scotol ti much'utic chiyac'be ti Jtote ta xtalic ta jtojol; ti much'utic ta xtalic ta jtojole, muc bu ta jip loq'uel.

Itac'av ti Simon Pedroe: ―Cajval, ¿much'u xa chba jchi'inticotic? Yu'un li ac'ope ja cuxlejal ta sbatel osil.

Vo'on panon ti cuxule, ti yalem tal ta vinajele; ti much'u ta sve'e, chcuxi ta sbatel osil. Li pan ti chcaq'ue ja' li jbec'tal jtacupal jtuque. Ta xcac' ta scuenta scuxlejal li crixchanoetic li' ta sba balamile.» ―X'utatic yu'un ti Jesuse.

Muc' much'u xu' chtal ta jtojol mi ma'uc ch-iq'ue tal yu'un ti Jtote, ti ja' stacojon tale; vo'on ta jcha'cuxes ta slajeb c'ac'al.

Li pan chac' ti Rioxe, ja' ti yalem tal ta vinajele, ja' chac'be xcuxlejal li crixchanoetic ta balamile. —X'utatic.

Vo'on panon ti chcac' cuxlejale.

Ti Jesuse ixch'am ti pane ti c'alal laj yalbe coliyal ti Rioxe, ja'o ixch'acbe li crixchanoetic tey chotajtique. Ja' no'ox yech ispas noxtoc ta scuenta li choye, iyac'be ti c'u yepal isc'anic ti crixchanoetique. Ti c'alal inojique, ti Jesuse xi iyalbe ti yajchanc'optaque: —Tsobic scotol li sovrae, yo' mu yechuc x'ixtalaje ―xi.

Ti c'alal ixanavic xa'ox jun reva xchi'uc o'lol ta nabe, iyilic ti tey chanav tal ta yoc ta ba nab ti Jesuse, inopoj tal yo' bu li scanovaique, ixi'ic tajmec. Xi i'albatic yu'un ti Jesuse: ¡Mu me xa xi'ic, vo'on me! ―X'utatic.