Gewilde Bybelverse vanaf Svun Juan 1

Deel

Yan ti much'utic isc'anique xchi'uc ti ixch'unique, i'albatic xa ti ja' xch'amaltac Riox ic'otic oe.

Ta sliquebale, tey xa onox li c'ope; li c'ope tey onox xchiuc ti Rioxe. Yu'un ja' onox ti Rioxe.

Li luz li'i ta xojoban ta ic'al osil, li ic'al osile mu xtup' yu'un li luze.

Li c'ope iyich' sbectal, i'ayan chac c'u cha'al vo'otic, li xchi'inotic ta naclej. Iquilbetic li slequilal syu'elal ac'bil yu'un ti Stote, ja' ti jujun xch'amale, ti toj lec sna' xc'anvane, ti ja' melele.

Ja' scuenta ti imeltsaj scotol li c'usitic oye. Ti manchuc li c'ope, scotol li c'usitic oye muc'bu imeltsaj ti yechuque. Yu'un tey liquem tal ta stojol li cuxlejale, li cuxlejale ja' luz yu'un li crixchanoetique.

Ta yoc'omale, ti Juane iyil ti tey chtal stael yu'un ti Jesuse, ja' yech iyal chac li'i: «¡Q'uelavilic, ja' li xch'iom chij Riox ti ja' ta xch'aybe smul li crixchanoetic li' ta balamile!

Li c'ope li' to'ox ta sba balamile; ac'u mi ja' ta scuenta imeltsaj scotol li c'usitic oye, pero ti much'utic li'ic ta scuenta sba balamile muc' xojtiquinic. Li' iyul ta stojol li much'utic ja' yu'untaque, pero li yu'untaque, muc' xich'ic ta muc'.

Li luz ti ja' melele, ti tsacubtas osil ta stojol li crixchanoetique, ital li' ta sba balamile.

Li smantaltac Rioxe, ja' li yac'botic ti Moisese, pero li c'uxubinele xchiuc li c'usi melele, ja' xa ic'ot ta pasel ta scuenta ti Jesucristoe.