Gewilde Bybelverse vanaf Matta 28

Deel

Gə-angɨn wudəmə nagi ndo njiya hwuna kənə mingɨn shee, təna gəə lagbe de, hwuna ɗarən batisɨmatə a vor kwakɨ Baatə, ka hɨnggə Nze ka hɨnggə Pitɨ Ɗəmɗəmtə. Hwun ta kənərən koddə ləməgyee na vəwnə kat. Mbak-mbak hɨne ɓwaa kəwnə baa kpawtɨ vɨratə.”

Yesu a shi hakarən a sarən atɨ, “Gəte kat gaarə a vor pwa, kat ka itɨnə a vɨratə, mye vitɨrə.

Malyenəngɨn a boyə mandingɨn atɨ, “Ɓe kala aa gəwnə, hɨn leyə atɨ Yesu a mya gbaltən nə hwuna dɨ ɨlə. Ɓə tam ga, ɓə maggə we ka myentə ɓətɨ nda boyo. Wam, namə haa nda bədə.

Yesu a sarən atɨ, “Ɓe kala aa gəwnə. Wudəm boyəmə ji-nuwogi a lagbe de təna zə vor Galili, a hangɨn tən ɓa ne.”

Ite kɨsehəmingɨn ka mi kpanye da Yawude a peyə a shalasə le, təna ɗa kuta, a və nggɨre kaɓa taa kpan. Təna sarən atɨ, “Boyəmə ɓwaare atɨ, ‘Ite hine dɨ sheni, lagbe dan a shi ka tukotə a hɨr wongɨn.’ Ləngɨn kana zə humwaa nggwamna, hin lee la hin ɓa boyən nda mwakenə, asə aa dɨ gəwnə.” Nggɨrengɨn a luu taangɨn a ɗa mgban ɓətɨ mya fyel-kwakingrən. Mya bwe ləngɨn kat a waka Yawude, baa a dɨma a fəranə supo.