Gewilde Bybelverse vanaf PIANCILNA 27

Deel

Pasian in na tungah vantung daitui hong pia hen la, na lote hoihsak tahen. An le leenggahzu tampi hong pia tahen. Mite in nangma na hong sem hen la, minamte na mai-ah hong kun ta uh hen. Na sanggamte’ tungah topa hi inla, na sanggamte’ suanlekhakte, na mai-ah hong kun uh hen. Nang hong samsia peuhmah in samsiatna ngah hen la, thupha hong pia peuhmah in thupha ngah ta hen,” a ci hi.

Esau in, “Amah Jakob kici mah hi lo ahi hiam? Amah in kei nihvei hong suankhia khin hi. Amah in ka innluahza hong sut hi. En in, tu-in amah in ka thupha hong sut leuleu hi,” a ci hi. Tua ciangin amah in, “Kei a dingin thupha siit lo na hi hiam?” a ci hi.

Tua ciangin a pa Isaac in, “En in, leitung pana piang an le leenggahzu na nei kei ding a, na lo a dingin vantung daituite na ngah kei ding hi. Na namsau tawh na nungta ding a, na sanggampa’ na na sem ding hi. Ahih hangin amah na langpan’ ciangin ama khutnuai panin na leengkhia ding hi,” a ci hi.

Esau in a pa’ kiangah, “Pa aw, thupha khat beek nei nawn lo na hi hiam? Kei thupha hong pia in, kei zong, ka pa aw,” a ci hi. Tua ciangin Esau a kap hi.