Gewilde Bybelverse vanaf MUV̄ENULIO 13

Deel

V̄anu ɗe v̄utsahao hikima. Mwendza ãkili nahasiɓu ihisaɓu ya ishinyama mbovu, mana iyo hisaɓu ya shiuɓinadamu. Na ihisaɓu yayo sitamiya wa sitini na sita (666).

Na piya wakazi wa shiv̄andreju mwa tsi watsoiãɓudu, wao walio amba madzina yawo kayaangihwa rangu uumuumbio wa lidunia hari mwa ishio ya uhayati ya uMwana Ɓariɓari aka atsindzwa.

Amwesa ifanya amba piya, uwatiti na uwaɓole, matadjiri na zimasikini, warumwa na wendza unafasi, watrilwe ãlama hari mwa umuhono wa hume, au hari mwa uuso, tsena v̄wasuke ata mutru ashindra anunua ɓila uudza neka kasina iãlama, lidzina la ishinyama mbovu, au ihisaɓu ya lidzina layo.

Mutru alio amba ahetsiwa afungwe, atsofungwa. Mutru alio amba ahetsiwa aulawe ha upanga, atsoulawa ha upanga. V̄av̄o ɗe v̄walazimiwani isuɓira na uaminifu za watwaharifu.

Wakati ule tsiono v̄ulawa ɓaharini shinyama mbovu yakana nyonga kumi na zitswa saɓa. Hari mwa zinyonga zayo v̄uka kemba kumi, na hari mwa zitswa zayo, v̄uka madzina ya shi ukufuru.

Iv̄olwa ruhusa ya uwana kinyume na uwatwaharifu, amwesa iwashindre. Iv̄olwa yezi hari mwa kula kaɓila, kula umati, kula luha, na kula nishani.

Yakodanganya uwakazi wa ishiv̄andre ya tsi ha ziãlama za midjuza yaka yav̄olwa izifanye mbeli za ishinyama mbovu ya handra ile, ha uambia uwakazi wa ishiv̄andre ya tsi wafanye sanamwe la ishinyama ile yaka yakodza ha upanga, amwesa yaka yav̄ona, yaẽshi. Iv̄olwa itriye roho lisanamwe la shinyama mbovu ya handra ile, pare lilaguwe, amwesa lifanye amba piya wao kawakolisudjudia waulawe.

iShinyama mbovu naiona, ika mufano wa pahavuɓa. yiMindru yayo yika mauri mindru ya shinyama nyeha yangina, na ihanyo mauri hanyo ya simba. iShinyama ɓole ile mufano wa vwayi iv̄a shinyama mbovu ile yalawa ɓaharini ushindzi wayo, ishiri ya ufalume yayo, na yezi ɓole.

Iv̄olwa hanyo ya urongoa marongozi ya udzirendra na ya ukufuru, tsena iv̄olwa yezi ya urendra muda wa mezi aruɓaini na mili.

Moja hari mwa zitswa zayo ika mauri yakotsaha iulawe, ɓadi lidjaraha la shi ukatili lika liangala. Hari mwa ushangavu piya ulemengu uɗungu shinyama mbovu ile.

Amwesa tsiono shinyama mbovu yangina yakolawa shiv̄andreju mwa tsi. Ikana nyonga mbili zakofana na za mwana ɓariɓari, tsena yakolagua mauri shinyama ifanao na vwayi. Yakorumia piya iyezi ya ishinyama mbovu ya handra ile matsoni hayo, tsena yakofanya namuna amba ishiv̄andre ya tsi na uwakazi wayo wakosudjudia ishinyama mbovu ya handra ile, ilio amba lidjaraha lakolazimu liiule, lika liv̄ono.