Gewilde Bybelverse vanaf 1 YUHANI 2

Deel

Mwasuv̄endze lidunia, ɓila zilio duniani. Neka mutru asuv̄endza lidunia, uv̄endza wa Ɓaɓa kauka haheju. Mana kula ilio duniani, mauri ngushauku mbovu za shimwili, utumainivu wa matso, na udzifaharisha na mali, izo piya kazilawa ha Ɓaɓa, ɓadi ha lidunia.

liDunia lisuv̄ira, na ngushauku zalo wajau. Ɓadi monyewe ufanya mav̄endzeleo ya Mungu, waye uɓaki dahari.

ɗe amba uwo arongoao amba a hari mwa uv̄umoja na waye, alazimu adziv̄inge mauri ɗe inamuna waye adziv̄inga.

Wanyu wana wa shi uaminifu wangu, nisumuangishiani zini ile pare mwasuãswi. Ɓadi neka mutru aja aãswi, rina mudailizi mbeli za Ɓaɓa, waye Insa-Kristi, alio wa haki.

Monyewe urongoa amba asumujua ɓila usika ãmuri zahe, waye munafiki, na ikweli kaisi haheju.

Na ha ini ɗe rijuao amba risumujua: ɗe wasi usika ãmuri zahe.

Mutru arongoao amba a heuni, ne asuenga munyahe, v̄av̄o raha a shidzani.

uMunafiki ɗe mbani, neka tsi ɗe uwo aharao amba Insa ɗe Kristi? Uwo ɗe uMukanyusha-Kristi, uwo amuharao Ɓaɓa na uMwana.

Yotsi aharao uMwana, kasina wajau Ɓaɓa; uwo akuɓalio uMwana, ana wajau Ɓaɓa.