Gewilde Bybelverse vanaf 1 MAKORINTIYO 2

Deel

Ɓadi mauri ɗe iheli yaangihwa moni na uMuangishio Mutwaharifu: «Trongo zilio amba dzitso kalaziona, kio kalazikia, wala kazangia hari mwa umo wa mwanadamu, trongo zilio amba Mungu azitayarishia wao wamuv̄endzao.»

Ɓadi mwanadamu nyama-nyama kashindri ukuɓali trongo zahusu iRoho ya Mungu. Mana haheju izo ujinga, tsena kashindri uzijua, mana izo unamulwa ha iRoho.

Ne ɗe Mungu ariv̄enushiazo wasi ha iRoho. Mana iRoho utunda piya, ata zilio hari mwa zilindri zahe Mungu.

Na wasi karapara iroho ya ulemengu, ɓadi iRoho ilawao ha Mungu, ile rijuwe izo Mungu arirehemu.

Hutuɓa yangu na mujudzio wa ihaɓari wangu kazaka zaketsi hari mwa marongozi yendza hikima yaswadikishao, ɓadi hari mwa uv̄enufu wa iRoho ya Mungu v̄umoja na ushindzi, ile uaminifu wanyu usuketsi hari mwa ihikima ya shiuɓinadamu, ɓadi hari mwa ushindzi wa Mungu.