Gewilde Bybelverse vanaf I‐Kesodusi 2

Deel

Weva UTIXO ukutswina kwalo, wayekumbula UTIXO ucebano lwake kunye no‐Abrahame, no‐Yisake, no‐Yakobi. Waza UTIXO wabona usapo luka‐Sirayeli, waye UTIXO enokulwazi.

KWAYE kute pakati kwezontsuku zininzi, wafa ukumkani we‐Jipete; lwaye usapo luka‐Sirayeli lwagula ngenxa yenkonzo, lwakala nokukala; kwaza ukubongoza kwalo kwenyukela KUTIXO ngenxa yenkonzo.

Wandula wati, akuba mkulu umntwana, wamsa kwintombi ka‐Faro, waza waba ngunyana wayo; eyambiza ngegama elingu‐Mosesi, yati: Ngokuba ndimr̔olile emanzini.

Yaza intombi ka‐Faro yati kuye: Susa lomntwana, undanyisele yena, ndandiya kunika umvuzo wako. Waza umfazi lowo watabata umntwana, wamanyisa.

Kekaloku yehla intombi ka‐Faro ukuya kuhlamba emlanjeni; wati umtinjana wayo wahamba ngasecaleni lomlambo; yaza yabona umkombe pakati kwemikanzi, yatuma isicakazana sayo siye siwuzeke.

Kwaye kute ngezontsuku, nxa selekulile u‐Mosesi, wapuma waya kubo abazalwana bake, wabonela imitwalo yabo; wada wabona um‐Jipete ebeta um‐Hebere, owasebazalwaneni bake. Waza wabeka apa napaya, wati, akubona ukuba akuko mntu, wambulala um‐Jipete, wamselela entlabatini.