Gewilde Bybelverse vanaf Jesaja 49

Deel

Kan 'n vrou haar suigeling vergeet, haar nie ontferm oor die seun van haar moederskoot nie? Selfs al sou hulle vergeet, Ek, ja, Ek sal jou nie vergeet nie.

Kyk, op twee handpalms het Ek jou ingegrif; jou stadsmure is steeds voor My.

Maar, so sê die HERE: “Selfs gevangenes sal van 'n held weggeneem word, en krygsgevangenes sal vrykom van 'n geweldenaar. Teen hom wat met jou die stryd aanknoop, sal Ek self die stryd aanknoop, en jou kinders – Ek self sal hulle verlos.

Hy het gesê: “Dit is nie genoeg dat jy vir My 'n dienskneg is om die stamme van Jakob op te rig nie, om dié wat bewaar gebly het van Israel, te laat terugkeer nie. Ek gee jou as 'n lig vir nasies, sodat my heil sal strek tot aan die uiteindes van die aarde. ”

Jubel, hemel, en juig, aarde! Breek uit in jubelkrete, berge! Want die HERE het sy volk getroos, Hom oor sy magteloses ontferm.